«Кедентранссервис» АҚ эстониялық әріптестерімен ынтымақтастық орнатуға бекінді
«Қазақстан теміржолшысы» газетінің тілшісі
«ҚТЖ» ҰК» АҚ еншілес ұйымы – «Кедентранссервис» АҚ Эстония теміржолымен тиімді ынтымақтастық орнатуға мүдделі, деп хабарлайды Rail-news.kz. Осы мақсатта аталған компания бас директоры Арман Сұлтанов пен Балтық теңізі жағалауының елінен келген теміржол компаниясының басқарма төрағасы – бас директоры Циммерманн Кайдо өзара тиімді ынтымақтастық перспективаларына қатысты іскерлік келіссөздер жүргізді. Кездесу барысында Циммерман мырза компания қызметінің негізгі бағыттарымен және фитингтік платформалар паркін цифрландыру мен жаңартуды қоса алғанда, дамыту жөніндегі алдағы жоспарлармен танысты. Келіссөзге қатысушылар екі тараптың серіктестікке дайын екендіктерін жеткізіп, өзара тиімді ынтымақтастық пен мемлекетаралық байланыстарды нығайту үшін бірнеше бағытты айқындады.