Ауа-райының қолайсыздығына байланысты тас жолда қалып қойған азаматтарды пойыздармен алып кетеді

Ауа райының күрт нашарлауына байланысты Ақмола облысының Республикалық маңызы бар жолдың төрт учаскесінде көлік құралдарының барлық түрлері үшін қозғалыс жабылды. 

Осыған байланысты, «Жолаушылар тасымалы» АҚ-да басқа көлікпен бара алмаған азаматтарды пойызбен әкету туралы шешім қабылданды. Мәселен, Қарағандыдан елордаға №43 «Алматы – Қостанай», №53 «Достық–Астана», №121 «Семей – Астана» және №45 «Түркістан – Астана» жолаушылар пойыздарымен кетуге болады.

Бұдан басқа, Ерейментаудан елордаға дейін №7501 «Павлодар – Астана» қала маңы электр пойызына жолаушыларды отырғызу қамтамасыз етіледі.

Барлық жолаушыларға қажетті көмек көрсетіледі.

Ұлттық тасымалдаушының жолаушылар пойыздары ауа-райының қолайсыздығы кезінде азаматтарға үнемі көмек көрсетіп келеді.

Билеттерді bilet.railways.kz сайтынан және билет кассаларында сатып алуға болады.

Жолаушылар пойыздарының қозғалыс кестесі бойынша анықтамалық ақпаратты «1433» тегін нөмірі, «KTZH_PP_BOT» Телеграмм боты, сондай-ақ «Жолаушылар тасымалы» АҚ-ның @jolaushylar_tasymaly ресми Instagram-аккаунты арқылы алуға болады.

Барлық азаматтардан өз қауіпсіздігін қамтамасыз етуді және қолайсыз ауа-райында сапарлаудан бас тартуды сұраймыз.