Алакөл бағытындағы вокзалдарда жолаушыларға қолайлы жағдай жасалды
Демалушылар арасында танымал Жалаңашкөл және Көктұма станцияларында жолаушылар пойыздарының қозғалыс кестесіне сай қызметкерлердің ауысымдық жұмыс кестесі ұйымдастырылған. Ақши станциясының вокзалы тәулік бойы жұмыс істейді, деп хабарлайды Rail-news.kz.
Жазғы маусым қарсаңында вокзалдарда санитарлық аймақтар мен күту залдары жаңартылып, жарықтандыру жақсартылып, вокзал маңы абаттандырылды.
Жолаушыларды уақытылы ақпараттандыру үшін барлық вокзалдарда дауыс зорайтқыш жүйесі жұмыс істеп тұр. Жалаңашкөл мен Ақши станцияларында билет кассалары қызмет көрсетуде.
Қазақстан Республикасы Үкіметінің қаулысына сәйкес вокзал шаруашылығы нысандарын жаңғырту жұмыстары басталды. Биыл Жалаңашкөл, Ақши және Көктұма станцияларындағы вокзалдарда жөндеу жұмыстары жүргізу жоспарланған.