Тиелімде жоғары көрсеткіш
Жолаушылар тасымалы
28.03.2018, 16:20

Семей ЖТ қарасты Аягөз станциясының теміржолшылары ағымдағы жылдың алғашқы тоқсанын тамаша табыспен қорытындыламақ. Өйткені, қозғалыс және еңбек қауіпсіздігін сақтаудағы жетістік өз алдына, тасымал көлемі, вагондар айналымы, жүк тиеу-түсіру де жылдағы есепті мерзімнен анағұрлым жоғары.
Аягөз станциясының басшысы Қуаныш Әміреновтің айтуынша, осылайша көктемгі су тасқынымен күресе жүріп, еңбек майданында да жетістіктерге жетіп жатқан станциялықтар бірінші кезекте ұлттық компания басшылығы алға қойған басымдықтарға назар аударады. Атап айтсақ, өндірістегі үнемділік, эксплуатациялық жұмыстар, жүк тасымалын арттыру және жеделдету сынды мәселелерге ерекше ден қойылған. Оның ішінде әсіресе жүк тиеу ісінде жетістік мол. Мәселен, өткен жылы тұп-тура мың вагонға жүк тиеліпті. Бұл көрсеткіш алдыңғы жылмен салыстырғанда 300 вагонға жоғары. Осы ретте құрылыс материалдарын өндіретін «АлинаХолдинг» сынды басты әріптестің үлесі жоғары. Аталмыш алпауыт мекеменің бір өзі өткен жылы 500 вагонға тапсырыс беріпті. Ал, биылғы жылы бұл көрсеткіш тағы еселене түспек, себебі ағымдағы жылы мың вагонға тапсырыс беруге ниетті.
Бұдан өзге жылдағыға қарағанда металл сынықтары мен тыңайтқыштар, құрылыс материалдарын, жергілікті өнеркәсіп өнімдерін тиеу-түсіру ісі де жоғарылап келеді.
– Жазғы мерзімде жүк тиеу ісі аңағұрлым жоғарылай түседі. Тораптық станция болғандықтан жұмысымыз әрдайым қауырт. Оның үстіне биыл 10 шақырым аумаққа күрделі жөндеу жүргізілмек. Даярлық шараларын қазіргі күннен бастап пысықтаудамыз. Себебі, станция басына мол көлемде құрылыс материалдарымен жол техникалары келеді, – дейді Аягөз станциясының бастығы Қуаныш Әміренов.
Биылғы жылғы тағы бір жаңалық - Аягөздің өз басынан темір-бетонды өнімдер шығаратын алып зауыттың ашылу салтанаты күтілуде. Ол үшін тағы бір қосымша кірме жол салынбақ.
Станция бойынша экономикалық тиімділікті еселеуде батыл қадамдар жасалыныпты. Бұл ретте дұрыс ойластырудың нәтижесінде болар, қазіргі нарықтық ахуал теміржолшылар жағында. Бір ғана мысал, экономикалық тиімділіктің еселенуіне жаңадан ашылған ірі өндіріс ошақтарын теміржол қызметін пайдалануға тарту және жүк тасымалдауды автокөліктен теміржолға көшіру шаралары оң ықпалын тигізген. Бұл ретте іргелі кәсіпорындармен, атқарушы билікпен бірлесе жұмыс жүргізілуде. Айта кетерлігі сол, іскерлік әріптестік аясында жаңа көкжиектер әлі де ашылуда.
Жалпы, Орта Азия мен Ресейдің Сібір бөлігін жалғайтындықтан әрі Қытайдың Отанымызбен алыс-берісі мол Шыңжаң өлкесімен халықаралық автокөлік қатынасы түйісетін Аягөз шаһарының логистикалық маңыздылығы күн өткен сайын арта түсуде. Бұл әлбетте өз кезегінде теміржол саласына экономикалық тұрғыдан оң ықпалын тигізуде.
Аягөз – бірінші класты станция. Бүгінде штаттық кесте бойынша 54 теміржолшы еңбек етуде. Маусымдық жағдайда тәулігіне 20 шақты жұп жүк пойызы, онға таяу жолаушы пойызы өтетін тораптық станциядағы жұмыстар бүгінде қауырт. Ал осынау іркіліссіз жүріп жатқан үдерісте негізінен жастар еңбек етеді екен. Себебі, Аягөз станциясындағы теміржолшылардың 80 пайызын жаңа буын өкілдері құрайды. Осынау жетістіктердің барлығында да жаңашылдықтың, жаңа толқынның лебі сезілетіні сондықтан болса керек.
Қуаныш ҚОЖАЕВ, Аягөз
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет
Жаңалықтар / Мұрағат
01.04.2025
Қазақстан теміржолшысы газеті, №24 01 сәуір 2025 жыл
Жаңалықтар
31.03.2025
Транскаспий дәлізіне Словенияның «Лука Копер» теңіз порты қатысады
Қауіпсіздік
31.03.2025
Өрт сөндіру пойызы дайындықтарын шыңдады
Жаңалықтар
31.03.2025
Аягөз қалпына келтіру пойызы үшін жаңа кран сатып алынды
Аймақтар
31.03.2025
Экология айлығы аясында сенбілік өтті
ҚТЖ келбеті
31.03.2025
Тыл ардагері – тоқсан жаста