Пойыз Алматыдан Павлодарға дейін күн сайын қатынайтын болады

Жолаушылар пойыздарының жүру жиілігін арттыру жалғасуда. Қазақстан Республикасы Ведомствоаралық комиссиясының 2021 жылғы 16 маусымдағы шешіміне және Қазақстан Республикасы Индустрия және инфрақұрылымды дамыту министрлігінің 2021 жылғы 22 маусымдағы хаттарына сәйкес № 31/32 «Алматы-2 - Павлодар» жолаушылар пойызының жүру жиілігі артады. Белгіленген күндердің орнына, 2021 жылдың 26 ​​маусымынан бастап ол Алматы-2-ден күн сайын жүретін болады. Сонымен бірге Дегелең, Семей, Жаңасемей, Шар, Жаңғызтөбе, Жарма, Үшбиік, Аягөз және Ақтоғай станцияларына билеттерді сатуға және отырғызып / түсіруге салынған  тыйым  сақталады.