Бейнеулік келіншек қаржыгер мамандығын теміржолшыға ауыстырғанына өкінбейді

Шахида Жұман

Маңғыстау облысы бойынша меншікті тілші

Біреудің босағасын аттарда қыз балаға айтылатын «Барған жеріңе тастай батып, судай сің» деген сөз бейнеулік Гүлбануға әсер еткені соншалық, тіпті мамандығын да өзгертіп жіберген. Экономист қыз теміржолшы болып шыға келген. Теміржолшы болғанда да аптап ыстық пен қақаған суықта күні-түні вагондардың арасында табаннан тозып жүретін жұмыста.

  Бұл – Бейнеу станциясында еңбек ететін Гүлбану Ақшабаеваның таңдауы. 20 жасында отау құрған ару бүгінде отағасымен бірге 4 перзент тәрбиелеуде. Ұл-қыздарының алды 14, кішісі 2 жаста. Баланы да бағып, ата-ене мен күйеуінің көңілін тауып, жұмысына қоса кәсібін дөңгелетуде. Гүлбану Бейнеудегі жолаушылар тасымалы және жүк-багаж, билет кассалары ревизоры Мырзабай Жұманиязовтың үйіне келін болып түсіпті. Өмірлік серігі Әділ ол кезде жолаушылар пойызында жолсерік болған. Бүгінде машинист көмекшісі. Көп ұзамай жастардың тұңғышы дүниеге келіп, бала тәрбиесімен үйде отырған жас ана мамандығы бойынша банктен шақырту алады. Жұмысқа шығып, заңды тұлғаларға қызмет көрсетуде жетістікке жетіп, «Ең шапшаң кассир» сайысында Қазақстан бойынша үздік үштікке енеді. Қомақты сыйақы алады.

– Банк саласы ұнайтын, өз мамандығым ғой. Бірақ күнімен жұмыста тапжылмай отырасың. Ешқайда шыға алмаған былай тұрсын, отбасыңа көңіл бөлуге уақыт табылмайды. Әйел, ана, келін болғасын өз міндеттерің бар. Қайын атам, жолдасымның жұмысын көріп, біліп жүрмін. Ойлансам, балаларға жазда лагерь, жаңажылдық сыйлықтар, санаторийге жолдама, медициналық сақтандыру, жылына бір берілетін сыйақысы бар тәп-тәуір жұмыс. Сырттай оқуға түсіп, Бейнеу станциясына құжаттарды тасымалдау операторы болып орналастым. Банктегідей саялы жерде, компьютердің құлағында отыру қайда? Аяққа етік, үстіме сары жилет берді. Теміржолға алып шығып, анау тұрған пойыз вагондарының бәрінің нөмірін жазасың дегенде шошығаннан көзім бақырайып кеткен, – деп күледі Гүлбану.

Сөйткен Гүлбану өз міндетін бірден игеріп, қашықтығы бір шақырымды құрайтын жүк пойыздарына рекордтық жылдамдықта қызмет көрсететін ең мобильді қызметкер атанған.

– Бір күні түнгі кезекке түстік. Жаңбыр төбеден шелектеп құюда. Ал бізге жұмысты тоқтатпау, қайткенде де құрамның нөмірін жазу керек. Үстіміз малмандай су. Плащтің астын көлегейлеп жүріп жазып шықтым. Маңғыстаудың табиғаты түрлі тосынсый ғой, шаңды дауылды күндері бұдан да қиын сәттер болады. Кейін АСУ операторы болып ауыстым. Мұнда бұрынғыдай аяқ емес, ми шаршайды. Түнімен 15-18 пойыз қабылдап-жөнелтеміз. Вагон нөмірінен, пойыз салмағы мен ұзындығынан қателеспеу керек. Станцияға кірген-шыққан пойыз уақытында компьютерге енгізілуі қажет. Сондай аласапыран жұмыстан соң ауысымнан шығып демалғанның өз рахаты бар, – дейді кейіпкеріміз.

Гүлбану бүгінде Қазақстан мен Өзбекстан темір жолы арасындағы түйіспе станцияда пойыз қабылдаушы. Көрші ел теміржолшыларымен бірлесіп пойыздарды қабылдап, тексеріп, тапсырады. Бейнеуден жұмысына таңертеңгі 7:30-да пойызбен жолға шығып, 10:30-да жетеді. Күніне 5-7 пойызға дейін қызмет көрсетеді. Бір тәулік жұмыс істеп, үш күн демалады.

– Гүлбану 2015 жылдан бері бізде еңбек етеді. Жұмысына мұқият, сауатты қыз. Ұжымның қолқалауымен биыл «Теміржол аруы-2022» конкурсына қатысуда. Жеңіске жетсін-жетпесін маңызды емес, біз үшін теміржол аруы Гүлбану, – дейді Бейнеу станциясы бастығының орынбасары Нұрмұхамбет Жандәулетов.

Жолаушылар тасымалы
29.07.2025
Жолаушылар тасымалы жартыжылдық жұмысын қорытындылады
Сұхбат
29.07.2025
Қырықбай ӘЛСЕЙІТҰЛЫ: Теміржол саласында тағы бір жарқын кезең басталды
Станция тынысы
29.07.2025
Сағыз станциясы – құрылыс жүктерінің күретамыры
Инфрақұрылым
29.07.2025
Ақтөбе облысында жеті вокзал жөнделіп жатыр
Аймақтар
29.07.2025
Қырағылық – кәсібилік белгісі
Аймақтар
29.07.2025
Маңғыстау магистральдық желісінде 17 нысанға жөндеу жұмыстары жүргізілуде
Әлеумет
29.07.2025
Елордаға саяхат
Жаңалықтар / Мұрағат
29.07.2025
Қазақстан теміржолшысы газеті, №57-58 29 шілде 2025 жыл
Спорт
28.07.2025
ҚТЖ-ның «Railways team» командасы «Summer Relay 2025» жарысында жүлдегер атанды
ҚТЖ келбеті
28.07.2025
Сайыс өте қызық әрі қиын болды – Жасұлан Смағұл
Инфрақұрылым
28.07.2025
Теміржол үстінен көпір салынуда
Жаңалықтар
28.07.2025
Қазақстан мен Ресей теміржол тораптарындағы өткізу қабілетін арттырмақ
Жолаушылар тасымалы
28.07.2025
Теміржол саласында маршруттық желі тұрақты өсім көрсетуде
Жаңалықтар
28.07.2025
Теміржол қаһармандары – ҚТЖ LED-экранында
Әлемде
28.07.2025
Германияда пойыз апатқа ұшырап, үш адам қаза тапты
Жаңалықтар
27.07.2025
ҚТЖ Басқарма төрағасы теміржол саласының ардагерлерімен кездесті
Жаңалықтар
27.07.2025
Астанада машинистер чемпионатының жүлдегерін салтанатты түрде қарсы алды
ҚТЖ келбеті
26.07.2025
ҚТЖ машинисі ТМД елдері арасында кәсіпқойлар чемпионатында жүлделі орынға ие болды
Жаңалықтар
25.07.2025
Теміржолшылар өткелдерде рейд жүргізуде
Жүк тасымалы
25.07.2025
Тариф өсімі: кімге тиімді, кімге тиімсіз?