Қашағанға қызмет көрсетеді

Қосұйым Мұқашев

Атырау облысы бойынша меншікті тілші

Қарабатан станциясы бұрын бес-ақ адам жұмыс жасаған шағын ғана разъезд болатын. Сол маңда «Болашақ» зауыты ашылып, станцияның бағы ашылды. Яғни Қашаған кен орнынан келген мұнайды өңдейтін зауыттың салынуына байланысты станция ауқымы кеңейіп, жұмыс күрт артты.

Станция ғимараты жаңадан салынып, жұмыс орындары ашылып, бүгінде 40 шақты теміржолшы еңбек ететін станцияда қызметкерлерге жұмыс жасауға қолайлы жағдай жасалған. Оның ішінде станция кезекшілері, пойыз құрастырушылар, жүк кассирлері, тасымалдау құжаттарын өңдеу операторлары, жүк-багаж қабылдаушы және т.б. мамандар бар. 

Қазіргі уақытта 11 жол торабы бар және 2 зауыттың әрқайсысына кірме жол тартылған станция толық жарақтандырылған, СОБ, КТСМ құрылғылары ақаусыз жұмыс жасауда. Жолдар жарық шамдармен, ал белгі берушілер, пойыз құрастырушылар сөйлесу құралдарымен қамтылған. Гүлжамал Таженова ширек ғасырға жуық уақыт осы Қарабатан станциясында станция кезекшісі болып жұмыс жасайды. 1964 жылы осы ауылда теміржолшы отбасында дүниеге келген Гүлжамал мектеп бітірген соң Гурьев темір жол техникумына түседі. Бітірген соң еңбек жолын Атырау жол дистанциясында жол технигі болып бастайды. Жолшылардың жұмысы ол кезде күні-түні жалғаса беретін. 

Гүлжамал да уақытпен санаспай жұмыс жасауға үйренеді. Әкесі Еділбай жол монтері болып, анасы Қанжан бағыттама бұрмашы болып зейнетке шыққанға дейін қызмет еткен үлкен ұжымда еңбек ету қиын да қызықты болды, жұмысшылардың еңбек сағаттарын жазады, үнемі бірге жүреді. Өндірістен қол үзбей Атырау политехникалық институтын сырттай оқып бітіреді. 1989 жылы Қарабатан станциясына кезекші болып ауысып, міне содан бері табан аудармай еңбек етіп келеді.  

– Зауыт құрылысы басталған сәттен бастап біздің Қарабатан станциясының жұмысы қайнап сала берді. Зауыт құрылысына 20 мыңнан астам адам қатысты, 56 000 тонна металл құрастырмалар, шикі және тауарлы мұнайды, сондай-ақ газды сақтайтын резервуарлардың 7 700 тонна құрыш құрастырмалары монтаждалды. Бұдан басқа әкімшілік ғимарат, жатақхана, асхана, т.б. көптеген нысандар салынды. Соған қажетті материалдың бәрі әрине пойызбен тасымалданып, станцияға толассыз жеткізіліп жатты. Зауыт толық қуатымен жұмысын бастаған 2017 жылдың қазан айынан бастап станция арқылы алыс шет елдерге вагондар арқылы күкірт тасымалдана бастады. Күні бүгінге дейін Кавказ, Ресей теміржолдары арқылы жөнелтілуде. Қазіргі уақытта күніне 60 вагон күкірт тиеліп-жөнелтіледі, – дейді осындай жұмысы қауырт та күрделі станция кезекшісі Гүлжамал Еділбайқызы.  

Күні кеше Көлік қызметкерлері мерекесіне орай елордада өткен салтанатты шарада Қарабатанның тәжірибелі станция кезекшісі Гүлжамал Таженова «Құрметті теміржолшы» белгісімен марапатталды.

Жаңалықтар
22.08.2025
ҚТЖ бүкіл ел бойынша вокзалдарды ауқымды жаңғыртуды жүргізуде
Инфографика
22.08.2025
Биыл «Достық – Мойынты» учаскесінің екінші жолдарының құрылысы аяқталады
Инфографика
22.08.2025
ТХКБ бойынша жүк тасымалы соңғы бес жылда 6 есеге өсті
Инфрақұрылым
22.08.2025
Теміржол әлеуеті сөз болды
Цифрландыру
22.08.2025
Цифрландырудың бес бағыты
Қауіпсіздік
22.08.2025
Кәсіби қырағылық: вагон қараушы пойыз қозғалысын қауіптен қорғады
Әлеумет
22.08.2025
Маңғыстаулық теміржолшылар отбасы Астанадағы байқаудан жүлдемен оралды
Аймақтар
22.08.2025
Семей теміржол вокзалы жаңғыртылуда
Жаңалықтар
22.08.2025
Жүйелі жұмыстар жалғасуда
Жаңалықтар / Мұрағат
22.08.2025
Қазақстан теміржолшысы газеті, №68 22 тамыз 2025 жыл
Әлемде
21.08.2025
Alstom жаңа сутекті пойызын сертификаттауға шығарды
Жүк тасымалы
21.08.2025
"Шұбаркөл Премиум" көмірін тасымалдау бойынша рекорд орнатылды
Аймақтар
21.08.2025
800 метрге дейінгі түйіспесіз рельс плеттерін дайындайтын кәсіпорын
Инфрақұрылым
21.08.2025
Құлсары жолы жаңарып жатыр
Жаңалықтар
20.08.2025
ҚТЖ Қытай инвесторларымен Каспий логистикасын кеңейту мәселесін талқылады
Жүк тасымалы
20.08.2025
ҚТЖ мен ірі жүк жөнелтушілер жыл соңына дейін тасымалдау жоспарларын талқылады
Жүк тасымалы
20.08.2025
Орта дәліз: Чэнду қаласынан шыққан контейнерлер 15 күнде Карсқа жетті
Трансформация
20.08.2025
Елде теміржол техникасын өндіру көлемі еселеп артты
Цифрландыру
20.08.2025
Цифрлық технологиялар тасымал тиімділігін 45%-ға арттырады – Жаслан Мәдиев
Инфрақұрылым
19.08.2025
Үкіметте теміржол саласын жаңғырту мәселелері қаралды