Ақтөбелік жас инженер ескерту құрылғысын ойлап тапты

ҚТЖ келбеті
21.02.2025, 09:05
Суретті түсірген автор
Ардақ Ерубаева

Ақтөбе облысы бойынша меншікті тілші

Ақтөбелік жас инженер Бақытнұр Ермекова ойлап тапқан қозғалыс датчигі қауіпсіздікті қамтамасыз етуге септігін тигізбек. Өнертапқыштық ұсыныс тәжірибеде сыналып, сарапшылар тарапынан оң баға алды. Қауіп-қатерді алдын ала ескерту жүйесін алдағы уақытта көбейту жоспарда бар.

«ҚТЖ – Жүк тасымалы» Ақтөбе бөлімшесінің еңбекті қорғау жөніндегі жетекші инженері Бақытнұр Ермекованың бұл салада он жылдық тәжірибесі бар. Еңбек қорғау саласында өнертапқыштық ұсыныстармен, жаңашылдықтармен талай жылдан бері жіті танысып, зерттеп келеді. Нәтижесінде өзі де өндіріске ұсыныс енгізіп, теміржолшылардың қауіпсіздігіне көмекші қозғалыс датчигін ойлап тапты. Бұл – қауіпті аймақта жұмыс істейтіндер үшін ескерту жүйесі. Қазір Ақтөбе станциясында қолданыста тұрған жүйе тиімділігін дәлелдеп үлгерді.  

– Біз үшін теміржолшылардың өндірісте жарақат алуын төмендету маңызды. Қауіпті аймақтардағы қауіпсіздікті қамтамасыз ету мақсатында талай рацұсыныстар ойлап тауып жатқандар бар. Мен де өз еңбегімнің нәтижесі осы қосымша қозғалысты бақылау қондырғысын ұсындым. Ескерту жүйесі тиісті мамандар тарапынан мақұлданып, қолдау тапқаны мені шабыттандыра түсті. Бүгінде пайдаланып жүрміз, енді оны көбейтіп, жол бойының қауіпті аймақтарына қою ойластырылуда, – деді ақтөбелік инженер.  

Автор ұсынған рационализаторлық ұсыныс адамдардың қауіпті аймақтарда болуын бақылауға және ескерту жасауға арналған. Бүгінде Ақтөбе станциясында бір жерге орналастырылған. Автоматтандырылған бақылау құрылғысы жарық және дыбыстық сигнал беру, сенсорлар және басқа да элементтерден тұрады.  

Автордың айтуынша, ерекшелігі – датчик қандай да бір қозғалысты анықтаған кезде қауіпті аймақтағы жұмысшыларға ескерту жасайды. Осылайша, теміржолшылар өздерінің қауіпті аймақта екенін түсініп, оқыс оқиғалардың алдын алады. Әрі қарай сигнал беру жүйесі машинистер мен диспетчерлерге де ақпарат жеткізіп, қажет болған жағдайда шұғыл шара қолдануға мүмкіндік береді.  

Бұл құрылғы қауіпсіздікті арттырумен қатар, оқыс оқиғалар мен апаттардың алдын алуға көмектеседі деп күтілуде. Жүйе диспетчерлер мен пойыз машинистеріне қауіпті аймақта адамның бар-жоғын ескертіп, алдын ала, жылдам әрекет етуге жағдай жасайды. Теміржол қызметкерлерінің қауіпсіздігін жақсартуға үлес қосады деп қолданып отырған құрылғыны ойлап тапқан еңбек қорғау инженеріне шығармашылық табыс тілейміз.  

 

Жаңалықтар
31.03.2025
Транскаспий дәлізіне Словенияның «Лука Копер» теңіз порты қатысады
Қауіпсіздік
31.03.2025
Өрт сөндіру пойызы дайындықтарын шыңдады
Жаңалықтар
31.03.2025
Аягөз қалпына келтіру пойызы үшін жаңа кран сатып алынды
Аймақтар
31.03.2025
Экология айлығы аясында сенбілік өтті
ҚТЖ келбеті
31.03.2025
Тыл ардагері – тоқсан жаста
Жүк тасымалы / Апта саны
31.03.2025
Теміржолмен жүк тасымалдау екі айда 6,6%-ға өсті
Әлеумет
31.03.2025
ҚТЖ әлеуетті жұмыс беруші
Аймақтар
31.03.2025
Еңбек адамына құрмет
Әлемде
30.03.2025
«Молдова темір жолын» екі компанияға бөлу ұсынылды
Жүк тасымалы
29.03.2025
ҚТЖ-да жүк жөнелтушілермен тасымалдау қорытындылары талқыланды
Жаңалықтар
28.03.2025
Қазақстан мен Өзбекстан теміржолшылары транзитті ұлғайту мәселелерін талқылады
Жүк тасымалы
28.03.2025
ҚТЖ-да астық штабының отырысы өтті
Жолаушылар тасымалы
28.03.2025
ҚТЖ мен iKOMEK109 бірлесіп байланыс орталықтарын жетілдіреді
Қауіпсіздік
28.03.2025
Оқушыларға қауіпсіздік мәселесі түсіндірілді
Қауіпсіздік
28.03.2025
Қауіпсіздік шаралары басты назарда
Трансформация
28.03.2025
Премьер-министр вагон жасау зауытымен танысты
Жаңалықтар / Мұрағат
28.03.2025
«Қазақстан теміржолшысы» газеті, №22-23 28 наурыз 2025 жыл
Жаңалықтар
27.03.2025
Астанада өрт-тактикалық оқу-жаттығулары өткізілді
Аймақтар
27.03.2025
Алматы өңірінде су тасқыны кезеңінде қауіпсіздікті қамтамасыз ету бойынша шаралар қабылданды
Аймақтар
27.03.2025
«Jibek Joly» туристік пойызы – Таразда