Өнертапқышқа өріс кең

ҚТЖ келбеті
19.03.2020, 13:05
Сабырхан Сейілбекұлы

Қызылорда облысы бойынша меншікті тілші

Жосалы мен Түркістан станциялары арасындағы телемеханикалық және автоматты байланыс құрылғыларына техникалық күтім және жөндеу жұмыстарының орындалуын бақылау және жұмыстан тыс қалған байланыс құрылғыларын жөндеп, техникалық күтім жасап, қайта жұмысқа қосу – Қызылорда белгі беру және байланыс дистанциясы орталық және диспетчерлік бақылау постының аға электромеханигі Нұрлан Жәнібековтің күнделікті жұмысы.

Сонымен қатар ол қарамағындағы диспетчерлік басқарудағы ауысым электромеханиктерінің күнделікті жұмысын үйлестіріп бақылап отырады. Ол – жұмыс жасайтын цехтың жұмыс өнімділігі 101,3 пайызды құрап отыр, демек, жүктелген міндеттемелердің барлығы артығымен орындалуда деген сөз.

– Нұрлан Жәнібеков дистанциядағы жұмысты үйлестіріп отырумен қатар, өте ізденгіш жан, рационализаторлық қозғалыстың қозғаушы күші десек болады. Өзге өңірлердегі әріптестеріне техникалық көмек беруге аттанатын да өзі. Мәселен, 2008 жылы байланыс құрылғыларын нормативтік жоспарға сай жетілдіріп дамыту мақсатында дистанцияның 26-бекетінде МПЦ «Диалог» жаңа құрылғысын қосуға атсалысты. Биыл Защита белгі беру және байланыс дистанциясында дәл осы МПЦ «Диалог» құрылғысын іске қосуға үлес қосып келеді. Сондықтан маманның әрбір өнертапқыштық қадамына біз тек қолдау білдіріп отырмыз, – дейді Қызылорда белгі беру және байланыс дистанциясының бастығы Әкімжан Қосанов.

Дистанциядағы байланыс құрылғыларын жөндеуде жаңа материалдар жетісе бермейтіні белгілі. Сондықтан жоқтан бар жасап, ескіні жамап-жасқап пойыздар қозғалысының қауіпсіздігін сақтауға мүмкіндік жасайтын теміржолшылар қай мекемеде де бар. Және олардың бұл еңбегін ұлттық компания ексерусіз қалдырмай, керісінше өнертапқыштық қозғалысқа кең өріс ашып, ынталандырып отырғаны теміржолшыларды қанаттандырып отырғаны талас тудырмайды.

Біздің бүгінгі кейіпкеріміз де жаңа құрылғы жасауға тосыннан келмегенін, оның жұмысын жақсарту мақсатында ізденісі, ескіні жаңалап, жұмыс жасау қажеттілігі туындағанда өзінің жаңашыл идеялары арқасында өнертапқыш атанғанын айтады. Яғни қажеттіліктен туындаған жаңалық тиісті бағасын алып, әріптестерінің игілігіне жарап, ең бастысы – пойыздардың қауіпсіз қозғалысын арттыруға сеп болса, мақсатының орындалғаны.

– Дистанцияда қолданыстағы байланыс құрылғыларының арасында тым ескілері де бар. Осы құрылғыларды жаңарту мақсатында өзімізге жүктелген жұмыстардың сапалы орындалуы үшін, құрылғылардың жұмыстан тыс қалмауы үшін іздендік, бірнеше нұқсада рационализаторлық ұсыныстар жасадық, бәрі өз күшімізбен, осындағы ұжыммен жүзеге асып жатқан шаралар, жалғыз менің еңбегім емес, – деді өнертапқыш маман.

Алматы теміржол көлігі инженерлері институтын 1986 жылы бітірген маман еңбек жолын Қызылорда белгі беру және байланыс дистанциясының Жалағаш станциясында СОБ электромеханигі болып бастаған күннен теміржол саласындағы темірдей тәртіпті сезінгенін айтады. Білімін өндіріске жұмсап, саланың бірнеше сатысында аянбай еңбек еткен жас маман сатылай көтеріліп СОБ учаскесінің инженері, КИП ДЦ цехының аға электромеханигі, Қызылорда электромонтаж пойызы техникалық бөлімінің басшысы қызметінде нәтижелі жұмыс атқара жүріп, дистанцияның орталық және диспетчерлік бақылау постының аға электромеханигі болып тағайындалады. Бұл өте жауапты жұмыс еді. Нұрлан Мирамұлы осыған дейін ТүркіменстанБолашақ жаңа телімінің Ақжайығында, Астана дөңесі құрылғыларының орнатылып іске қосылуында, Илецк станциясында ЭО постын өрттен кейін қалпына келтіру жұмыстарына қатысқан екен.

Бұл маманның шын мәнінде кәсібилік қарым-қабілетінің айғағы. – Нұрлан Жәнібеков былтырғы жылы «Ktzhcdi 1.0 бағдарламасын іске қосу», «ДИМ-1-RWD типті микроэлектронды импульсті датчикті алып тастау», «Бағдаршам лампасын тасымалдауға арналған контейнер», «Теміржол өткелдерінде РТА трансформаторын қосымша қосу», «БС-ДА өлшегішінің 1.1А блогы релесінің уақытша параметрлерін өлшеу» секілді бес өнертапқыштық ұсыныс енгізді, – деді Қызылорда магистральдық желі бөлімшесі ғылымитехникалық талдау және анализ орталығының басшысы Сарқыт Шакманова. 

Инфрақұрылым
28.06.2025
Елімізде теміржол желісіне ауқымды жаңғырту жүргізуде
Жаңалықтар
27.06.2025
Варшавада ТХКБ дамыту жөніндегі жұмыс тобының отырысы өтті
ҚТЖ келбеті
27.06.2025
Вагон қозғалысын реттеушілер жайлы бір үзік сыр
Инфрақұрылым
27.06.2025
Маңғыстау теміржолы күрделі жөндеуге күш салуда
ҚТЖ келбеті
27.06.2025
Қырық жыл кешіккен шындық
Әлеумет
27.06.2025
Балалар жазы көңілді
Инфрақұрылым
27.06.2025
Теміржол жөндеу жұмыстары қарқынды жүріп жатыр
Жаңалықтар / Мұрағат
27.06.2025
Қазақстан теміржолшысы газеті, №49 27 маусым 2025 жыл
Әлемде
26.06.2025
Қытай темір жолдары биыл 1,86 млрд жолаушы тасымалдап, жаңа рекорд орнатты
Қауіпсіздік
26.06.2025
Семейде қозғалыс қауіпсіздігіне арналған кеңейтілген кеңес өтті
Спорт
26.06.2025
Ақтөбеде теміржолшылар тартысты ойын көрсетті
Жаңалықтар
26.06.2025
Астанада көлік, логистика көшбасшыларының басын біріктірген халықаралық көрме өтіп жатыр
Жолаушылар тасымалы
26.06.2025
Жыл соңына дейін ҚТЖ пойыздарының барлығы бейнекамерамен жабдықталады
Жаңалықтар
25.06.2025
Теміржол және су көлігі комитетінің төрағасы Атыраудағы вагон шығару зауытына барды
Жаңалықтар
25.06.2025
Нұрлан Жақыпов Alstom компаниясымен әрі қарайғы серіктестікті талқылады
Әлемде
25.06.2025
Қытай 650 км/сағ жылдамдықпен қозғалатын магнитопланды сынақтан өткізді
Аймақтар
25.06.2025
Алматы темір жол бөлімшесінде жүк тасымалы 16%-ға өсті
Жаңалықтар
24.06.2025
Тоқаев: Теміржол саласында Alstom, Wabtec және Stadler компанияларымен табысты серіктестік орнаттық
Жаңалықтар
24.06.2025
Қасым-Жомарт Тоқаев Wabtec президентімен кездесті
Жолаушылар тасымалы
24.06.2025
Биыл 240 мыңнан аса мүмкіндігі шектеулі жолаушы ҚТЖ пойыздарымен сапарға шыққан