Қозғалыс қауіпсіздігін қамтамасыз еткен теміржолшылар сыйақы алды
Абай облысы бойынша меншікті тілші
Семей ЖТ бөлімшесі бойынша бір топ теміржолшы пойыз қозғалысының қауіпсіздігін қамтамасыз еткен еңбектері үшін арнайы сыйақымен марапатталды.
Олардың қатарында әсіресе қозғалысшылар, соның ішінде станция қызметкерлері көп. Атап айтсақ, Семей станциясы бойынша сигналист Ертілек Жасұланов, осы станцияның пойыз қабылдаушысы Медет Дәуітбаев, сұрыптау дөңесінің кезекшісі Әнуар Сабырғалиев, пойыз құрастырушы Арман Исабаев және сонымен қатар Жаңа-Семей жүк станциясының СДВ үйлестірушісі Сағатбек Нұрмағанбетов бар. Бұл тізім алдағы уақыттарда да толыға түсетіні анық. Себебі өндірістік қауіпсіздік және еңбекті қорғау инженерлері қызмет барысында қырағылық танытып, тосын жайттардың алдын алған жандардың жаңа легін анықтауды бастап кетті.