Кернеудегі өмір: Семейде өндіріс орнындағы қауіпсіздік шараларын күшейтуге арналған семинар өтті

Қауіпсіздік
05.12.2023, 11:26
Қуаныш Қожаев

Абай облысы бойынша меншікті тілші

Жуырда Семей ЖТ бөлімшесінде «Кернеудегі өмір. Өндірістік жарақаттардың алдын алу» атты тақырыпта семинар өтті. Шараға бөлімшенің өндірістік қауіпсіздік бөлімі мен салалық кәсіподақ ұйымы ұйытқы болды.

Семинардың беташар рәсімін Семей ЖТ бөлімшесінің бас инженері Думан Жылқыбаев ашып, өндіріс орнындағы қауіпсіздік пен сақтық шаралары және биыл туындаған жазатайым оқыс оқиғалар жөнінде баяндама жасады. Еңбекті қорғау мақсатында ұйымдастырылған жоспарлармен де таныстырды.  

– Сіздерді жинап, семинар өткізудегі негізгі мақсат – еңбекті қорғау бағытындағы жұмыстарды ұйымдастыру бойынша дұрыс көзқарас қалыптастыру, өндірістік жарақаттардың алдын алу, – деді өз сөзінде Думан Дәулеткелдіұлы.  

Басқосуда сонымен қатар Абай облысы бойынша еңбек инспекциясының мемлекеттік инспекторы Бауыржан Әміртаев та сөз алып, жұмыс беруші мен жұмысшы арасындағы еңбек келісімшартының орындалуы, жұмыс орнындағы қауіпсіздік талаптары жайлы сөз өрбітті.  

Сондай-ақ арнайы шақырылған қонақтар қатарында Семей бөлімшелік көліктегі санитарлық бақылау басқармасының бөлім басшысы Эльвира Труспекова және «Семей теміржол емханасы» ЖШС бөлім жетекшісі Елена Третьяковалар да тақырып аясында баяндама жасады. Теміржолшылар арасында жиі кездесетін сырқат түрлерін сөз еткен Елена Борисовна жұмыс орнындағы өлімжітімнің алдын алу, сала қызметкерлерінің бойында кездесетін «кәсіби сырқаттар» жайлы әңгімелеп берді.  

– Медициналық зерттеулер көрсеткендей, тепловоз машинистерімен кеңсе қызметкерлерінің арасында ең жиі кездесетін жүрек-қан тамыр аурулары желі бойында жүретін жолшылар арасында өте төмен екен. Таза ауада ұзақ болып, жаяу жүрудің артықшылығын осыдан-ақ аңғаруға болады, – деген Елена Борисовна дұрыс тамақтану, стреске жол бермеу жайлы кеңес берді. Сәйкесінше дәрігерге қойылған сауалдар да көп болды.  

Сонымен қатар жиын барысында Өскемен локомотив пайдалану депосының өндірістік қауіпсіздік және экология секторының басшысы Қанат Мақашев сөз алып, осы жылдың ақпан айында жұмыс орнындағы еңбек қауіпсіздігі шараларын сақтамау салдарынан тепловоз машинисінің тосын қазасы және оның себебі жайлы айтып берді. Сондай-ақ болған оқиғаға негізделген, теміржолшылардың өздері түсірген деректі фильм көрсетілді.  

Семинар барысында «Электр тоғының ағзаға әсері», «СКД6е, 2ТЭ10М және ТЭ33А сериялы локомотивтеріндегі электр қауіпсіздігін сақтау ережелері», «Өндірістік жарақаттардың алдын алу бойынша профилактикалық жұмыстар», «Қауіпсіздік мәдениетін көтеру» сынды тақырыптар бойынша баяндамалар жасалды. Бекзат Кәрімханов, Берікжан Конкашев, Айжан Ботаханова сынды өндірістік қауіпсіздік саласына жауапты мамандар тақырып аясында әңгіме өрбітті.  

Басқосудың соңында айтылған фактілер сарапқа салынып, қатысушылар өзара пікір алмасты.  

Ал семинардың соңында өндіріс орнында жарақаттану мен оқыс жайттарға жол бермеген бірқатар станциялар басшылары марапатталды. Атап айтсақ, бөлімше басшысының бірінші орынбасары Қуаныш Әміренов еңбек қорғау мәдениетін жоғары деңгейге көтергендері үшін Суықбұлақ станциясы, Шар станциясы, Аягөз локомотив пайдалану депосы, Семей вагон пайдалану депосы сынды бірқатар іргелі мекемелердің ұжымдарына бөлімше басшысының Алғыс хатын табыстады.

 

Қауіпсіздік
02.04.2025
Шымкентте жасөспірімдер мас күйінде пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет
Жаңалықтар / Мұрағат
01.04.2025
Қазақстан теміржолшысы газеті, №24 01 сәуір 2025 жыл
Жаңалықтар
31.03.2025
Транскаспий дәлізіне Словенияның «Лука Копер» теңіз порты қатысады
Қауіпсіздік
31.03.2025
Өрт сөндіру пойызы дайындықтарын шыңдады
Жаңалықтар
31.03.2025
Аягөз қалпына келтіру пойызы үшін жаңа кран сатып алынды
Аймақтар
31.03.2025
Экология айлығы аясында сенбілік өтті
ҚТЖ келбеті
31.03.2025
Тыл ардагері – тоқсан жаста
Жүк тасымалы / Апта саны
31.03.2025
Теміржолмен жүк тасымалдау екі айда 6,6%-ға өсті
Әлеумет
31.03.2025
Жұмысшы мамандарға сұраныс бар
Аймақтар
31.03.2025
Еңбек адамына құрмет
Әлемде
30.03.2025
«Молдова темір жолын» екі компанияға бөлу ұсынылды
Жүк тасымалы
29.03.2025
ҚТЖ-да жүк жөнелтушілермен тасымалдау қорытындылары талқыланды
Жаңалықтар
28.03.2025
Қазақстан мен Өзбекстан теміржолшылары транзитті ұлғайту мәселелерін талқылады