Мақсат – нөлдік травматизм

Қауіпсіздік
29.04.2024, 12:38
Суретті түсірген автор
Қуаныш Қожаев

Абай облысы бойынша меншікті тілші

Семей ЖТ бөлімшесінде салалық кәсіподақ ұйымының бастамасымен 28 сәуір – халықаралық Еңбекті қорғау күніне және Қазақстан темір жолының 120 жылдығына орай «Кәсіпорындардағы еңбекті қорғау және қауіпсіздік техникасын сақтау» тақырыбында семинар өтті.  

Іс-шараға Абай облысының кәсіподақтар орталығының төрайымы Зәуреш Исабаева, Абай облысы бойынша Бақылау басқармасы басшысының орынбасары Ерлан Ниятқабылов, Мемлекеттік әлеуметтік сақтандыру қорының Абай облысы бойынша филиалының директоры Ермек Қуанышев, Абай облысы кәсіподақтар орталығының құқықтық мәселелер мен медиация жөніндегі бас маманы Ержан Разбеков қатысты. Сонымен қатар желі бойындағы барлық мекемелердің кәсіподақ төрағалары жиналды. Көпшілік өндіріс орнында қаза болған азаматтарды бір минуттық үнсіздікпен еске алды.      

«Қазкөліккәсіп» ҚБ Семей өңірі бойынша өкілі Есен Қажығұлов тақырыптық баяндама жасады. Ол өндірістік жарақаттану деңгейі жұмыс орнындағы қауіпсіз жағдайларды бағалаудың негізгі көрсеткіштерінің бірі екендігін, осы орайда қызметкердің өмірі мен денсаулығына зиян келтіретін жазатайым оқиғалардың алдын алу бағытында жүйелі жұмыс жүргізудің маңыздылығын сөз етті. Бұл орайда ұлттық компания тарапынан қолға алынған игілікті шаралар қатарына да кеңінен тоқталып өтті.  

Облыстық Кәсіподақтар орталығының төрайымы Зәуреш Рамазанқызы еңбекті қорғаудың мақсаты, жұмыс берушілердің міндеттері жайлы сөз етті. Бұл орайда кәсіподақтың да жауапкершілігі жоғары екенін айтты. Абай облысы еңбекті қорғау және қауіпсіздікті бақылау бөлімінің басшысы Тоқтарбек Түсіпбаев өткен жылы облыс кәсіпорындарында орын алған жазатайым оқиғалар нәтижелерімен таныстырды. Айтуынша, өткен жылы 88 оқыс оқиға орын алып, бірқатары кісі өлімімен аяқталған. Соның ішінде Семей Орманы мекемесінде орман өрті салдарынан 15 қызметкер қаза тапқан болатын. Мұның сыртында 31-і ауыр жарақат, 18-і орташа деңгейдегі, 37-сі жеңіл деңгейдегі жарақат алған еңбеккерлер де бар. Осы орайда ұлттық компания бөлімшелері мен еншілес ұйымдарындағы өндірістік жарақат төмен екенін алға тартқан спикер теміржол қызметіндегі еңбекті қорғау жүйелі жүргізілетінін жоғары бағалады.  

Ал ұлттық компания бойынша қолға алынған еңбекті қорғау шаралары жөнінде бөлімше бастығының орынбасары Ерғазы Жұмаділов сөз етті. Теміржолдың қауіптілігі аса жоғары аймақ екенін жеткізген Ерғазы Төлендіұлы бұл орайда ұтымды жұмыс жүргізу мақсатында ұлттық компания тарапынан қомақты қаражат бөлінетінін, мамандар даярлықтан өтетінін айтып өтті.

– Басты мақсат – нөлдік травматизм. Әзірге оған толық қол жеткізе қойған жоқпыз. Алайда, осынау жолда барлық мүмкіндіктерді пайдалана отырып, жұмыс жүргізіп жатырмыз, – деді бөлімше басшысының орынбасары өз сөзінде.

Абай облысы кәсіподақтар орталығының құқықтық мәселелер мен медиация жөніндегі бас маманы Ержан Разбеков еңбек дауларын сотқа жеткізбей реттеу жайлы сөз қозғап, осы мақсатта қала орталығынан жаңадан кеңсе ашылғанын жеткізді.  

Жиын барысында Семей магистральдық желі бөлімшесінің еңбекті қорғау бөлімінің бастығы Жомарт Шапишев те сөз алып, тақырыпқа байланысты нақты мысалдармен баяндама жасады. Семей өңірінің еңбек қорғау жөніндегі техникалық инспекторлары Ұжымдық шартқа және еңбекті қорғау мәселелеріне қатысты маңызды мәселелерді талқыға салды.    

Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет
Жаңалықтар / Мұрағат
01.04.2025
Қазақстан теміржолшысы газеті, №24 01 сәуір 2025 жыл
Жаңалықтар
31.03.2025
Транскаспий дәлізіне Словенияның «Лука Копер» теңіз порты қатысады
Қауіпсіздік
31.03.2025
Өрт сөндіру пойызы дайындықтарын шыңдады
Жаңалықтар
31.03.2025
Аягөз қалпына келтіру пойызы үшін жаңа кран сатып алынды
Аймақтар
31.03.2025
Экология айлығы аясында сенбілік өтті
ҚТЖ келбеті
31.03.2025
Тыл ардагері – тоқсан жаста