Қараусыз мал пойыз қозғалысына қауіп төндіруде

Қауіпсіздік
26.09.2024, 11:09
Суретті түсірген автор
Қуаныш Қожаев

Абай облысы бойынша меншікті тілші

Семей ЖТ бөлімшесіндегі «солтүстік тармақ» аталатын Семей-Локоть телімінде пойыздардың қозғалыс қауіпсіздігі алаңдатып отыр. Себебі соңғы уақытта аталмыш телім бойында қараусыз жайылатын ірі қара мал көбейіп, пойыздар қозғалысына қауіп төндіруде.

Транзиттік жүк ағыны мол, халықаралық жолаушылар пойыздарының қозғалыс жиілігі жоғары желі бойы айрықша назар аудартып тұр. Жуырда Белағаш станциясына таяу маңдағы теміржол бойында жүк пойызы жылқыны қағып кетіп,   ірі қара мал опат болды. Іздестіру нәтижесінде желілік тәртіп сақшылары А есімді азаматтың жылқысын желі бойына қараусыз жайылымға жібергені анықталды. Тұрғын ҚР Әкімшілік құқықбұзушылық кодексінің 559-бабы, 1-бөлімі бойынша жауапқа тартылған. Бұл тек бір ғана мысал.  

Жуырда шекара түбіндегі Ауыл станциясында жергілікті тұрғындармен кездесу өтті. Басқосуға Ауыл станциясындағы желілік полиция бөлімінің бастығы Еркебұлан Құдайбергенов, Ауыл станциясының бастығы Қарлығаш Раймханова мен шекара қызметкерлері, әкімдік өкілдері қатысты. Жиында анықталған жайт сол, шекара шебіндегі аудан бойынша жайылымдық алқап жеткілікті. Ірі қара малы үшін үш, ұсақ мал үшін екі отар, ал жылқы түлігі үшін бір табын ұйымдастырылыпты. Әйтсе де, кейбір азаматтар малын қараусыз жібере салуын доғармай келеді. Соның себебінен теміржол бойындағы пойыз қозғалысының қауіпсіздігіне елеулі түрде нұқсан келуде.  

Жиын барысында шекара бөлімшесі бастығы мен желілік полиция бөлімі басшылары сөз алып, күн тақырыбындағы мәселе жайында пікір білдірді.  

– Теміржол – қауіптілігі аса жоғары аймақ. Оның бойына мал жаюға үзілді-кесілді тыйым салынады. Бұл тәртіп бұзылған жағдайда заң аясында қатаң шаралар қолдануға мәжбүр боламыз, – деді желілік полиция бөлімінің бастығы Еркебұлан Құдайбергенов.

Сондай-ақ ендігі аралықта желі бойынан табылған мал қамалатынын жеткізді. Ал иелері қомақты айыппұл төлейді. Бұл әдіс телім бойындағы Жаңа-Семей, Жарма, Аягөз аудандарында кеңінен қолданылуда екен.  

Сөз орайында айта кетсек, бүгінде аймақ бойынша қараусыз малды уақытша қамауға арналған 110 арнайы тұрақ бар екен. Биылғы жылдың 8 айында қараусыз қалған 4 820 бас ірі қара осында орналастырылған.

 

Жаңалықтар
04.04.2025
ҚТЖ және Цзиньхуа Көлік-инвестициялық тобы логистикалық кешен салу туралы келісті
Жаңалықтар
04.04.2025
"KTZ Express" қытайлық серіктеспен екі меморандумға қол қойды
Жаңалықтар
04.04.2025
Теміржолшылар мен полиция бірігіп 238 рейд жүргізді
Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды