Семейде қозғалыс қауіпсіздігін бұзу көбейген

Қауіпсіздік
11.11.2024, 13:04
Суретті түсірген автор
Қуаныш Қожаев

Абай облысы бойынша меншікті тілші

Қозғалыс қауіпсіздігі – семейлік теміржолшылар үшін де күн тәртібінен түспейтін бірінші кезектегі мәселе. Желі бойындағы оқыс оқиғалардың алдын алу, ақауларға жол бермеу әрдайым өзекті.  

Осы жылдың өткен он айына тоқталсақ, қозғалыс қауіпсіздігін бұзу бойынша 75 оқиға тіркеліпті. Келеңсіз жайттардың өткен жылдың есепті мерзімімен салыстырғанда 11 оқиғаға көбейіп отырғаны алаңдатады.

Бұл ретте «ҚТЖ» ҰК» АҚ Қозғалыс қауіпсіздігі департаменті Семей телімінің аймақтық бас ревизоры Темірбек Акчаловтың айтуынша, ЖТ  бойынша төрт тосын жайт тіркеліпті. Семей станциясында бір адам жазым болса, тағы бірде сұрыптау дөңесіндегі маневрлік жұмыс барысында қақтығыс салдарынан автотіркегіштің ақаулығы орын алған. Сол тәрізді ТЧЭ-24 пен ТЧЭ-25 мекемелерінде де тосын оқиғаларға жол берілген.  

– Тіркелген төрт келеңсіз жайт бойынша қызметтік талқылаулар жасалып, себептері анықталды. Жұмысқа немқұрайлы қараудың нәтижесі осыған алып келген. Станция қызметкерлері мен локомотив шаруашылығы бойынша 25 жазалау шарасы қолданылды, – дейді Темірбек Иманғабасұлы.  

Жалпы, жыл бойына РБ-6 аппараты қозғалыс қауіпсіздігін бұзу факторына жол бермес үшін 514 тексеру жүргізіпті. Соның ішінде жоспарлы тексерістерден бөлек, тосыннан және түнгі тексерістер де орын алған.  

– Жүргізілген тексерулер нәтижесіне сүйенсек, нормативтік-техникалық құжаттар рәсімдеу, жылжымалы құрамдар мен құрылғыларға күтім жасау нормаларын бұзудың 8009 оқиғасы анықталды. Қорытынды бойынша 1445 шектеу шаралары қолданылды. Соның нәтижесінде сенімділігі төмен жылжымалы құрамдар тоқтатылды. Атап айтсақ, 28 локомотив пен 241 жүк вагондары пайдаланудан алынды. Сол тәрізді коммерциялық ақаулық бойынша 12 жүк вагонының қызметі шектелді, – дейді аймақтық бас ревизор.

Айрықша назар аударылатын бір жайт, пойыздар қозғалысы кезінде қауіпсіздік талаптарының сақталуы болып отыр. Осы орайда өткен он айдың ішінде 114 жол жабылып, 17 негізгі жол мен 49 қабылдау-жөнелту жолдарына уақытша тыйым салынған. Сондай-ақ 116 бағыттамалы бұрмалар жабылыпты. Және 551 шақырымда жылдамдықты шектеу шаралары қолданылған.  

Аймақтық бас ревизордың айтуынша, мекемелерде өткізіліп жатқан техникалық оқу сабақтары да тексерілуде. Осы орайда 21 тексеріс кезінде 257 кемшілік анықталыпты. Нәтижесінде 90 жұмысшы қайтадан біліктілігін арттыруға жіберіліп, бес техникалық оқу сабақтарын қайтадан өткізуге нұсқау берілген.    

Қадағалау шаралары кезінде басшылық қызметтер де назарға алынған. НОД-ЖТ мен НЖС-6 басшыларының нормативтерді орындауын қадағалау үшін  61 тексеру жүргізілген. Нәтижесі көңіл көншітпейді, 175 кемшілік анықталып, 39 мекеменің басшыларына арнайы жаза қолданылған.    

– Әрине, жаза қолданумен жұмыс бітпейді. Сондықтан кемшіліктерді түп тамырымен жоюға бағытталған шараларды жалғастыра береміз, – дейді бас ревизор.  

 Бүгінде шаруашылық ревизорлары төртінші тоқсанға бекітілген жоспар бойынша жұмыс жүргізуге көшті. Алайда әзірге мекемелердің қозғалыс қауіпсіздігін сақтау шараларының тиімділігі әлі де төмен болып тұр.

 

Жүк тасымалы
18.06.2025
Қазақстан бидайы контейнерлік пойызбен Вьетнамға экспортталды
Инфрақұрылым
18.06.2025
Теміржол өткелі құрылысына бақылау қатаң
Жолаушылар тасымалы
18.06.2025
Алакөлге осы жазда 240 мың жолаушыны тасымалдау жоспарлануда
Әлемде
18.06.2025
Үндістан вагондарды жуу үшін дрондарды пайдалануда
Жаңалықтар
17.06.2025
Қазақстан Қытайға «Құрық» портында жүк терминалын бірігіп салуды ұсынды
Жаңалықтар
17.06.2025
Вокзалда бомба бар деп жалған хабар берген азамат сотталды
Аймақтар
17.06.2025
Алтынкөлді дамыту жоспары
Жаңалықтар
17.06.2025
Бектенов көлік инфрақұрылымын жаңғырту барысын пысықтады
Аймақтар
17.06.2025
Қызылсай станциясының мүмкіндігі кеңеймек
Жаңалықтар / Мұрағат
17.06.2025
Қазақстан теміржолшысы газеті, №46 17 маусым 2025 жыл
Әлемде
16.06.2025
Еуропада түнгі жеке купелі пойыздар іске қосылады
Жаңалықтар
16.06.2025
Қазақстан мен Қытай Ақтау портын дамытпақ
Спорт
16.06.2025
Доп додасында жолшылардың жұлдызы жанды!
Әлеумет
16.06.2025
“Саламатты Қазақстан” пойызы Атырау облысында мыңдаған адамға қызмет көрсетуде
Сұхбат
16.06.2025
Статистика – сан мен сапалық көрсеткіштер ғылымы
Аймақтар
16.06.2025
Атырауда жолдар жаңарып жатыр
Жаңалықтар
13.06.2025
Алтынкөл станциясының өткізу қабілетін арттыру шараларын талқылады
Инфрақұрылым
13.06.2025
Стратегиялық маңызға ие жоба
ҚТЖ келбеті
13.06.2025
Жігітке жеті өнер де аз...
Аймақтар
13.06.2025
Теміржолда өрілген тағдыр