Ақмола теміржолшылары 7,2 млн тонна жүк тиеді

Ақмола жүк тасымалы бөлімшесі көлемінің тұрақты өсімін көрсетіп, елдегі астықты жөнелту бойынша көшбасшы позициясын сақтап келеді, деп хабарлайды Rail-news.kz. 

2025 жылдың 9 айында Ақмола бөлімшесі бойынша 7,2 млн тонна жүк тиелді, бұл өткен жылдың сәйкес кезеңімен салыстырғанда 56% артық. Жалпы тиеу 112 мыңнан астам вагонды құрады. Оның 5,8 млн тоннасы экспортқа, ал 1,3 млн тоннасы ішкі қатынас бойынша бағытталды.

Бөлімше әлі күнге дейін Қазақстанда астық тасымалдау бойынша бірінші орында тұр – 4,6 млн тонна тиелсе, бұл 2024 жылғы деңгейден 90,3% артық. Қазақстан бойынша астықтың жалпы көлемінен 1,3 млн тоннасы тасымалданды. Орталық Азия елдеріне экспортқа 1,6 млн тонна, Ақтау порты арқылы – 337,9 мың тонна, алыс шетелдерге – 1,1 млн тоннадан астам, Ауғанстанға – 50,7 мың тонна, Түркияға – 47,5 мың тонна, Қытайға — 165,8 мың тонна жөнелтілді. 

Жоғары көрсеткіштер барлық теміржол қызметтерінің үйлесімді жұмысымен және жүк жөнелтушілермен тиімді өзара іс-қимылмен қамтамасыз етілген. 

ҚТЖ тасымалдау тиімділігін арттыру және елдің астық кешенінің экспорттық әлеуетін дамыту бойынша белсенді жұмысты жалғастыруда.