Ақтөбенің теміржолшылар «Денсаулық күніне» қатысты
Ақтөбе ЖТ бөлімшесінде «Денсаулық күні» ұйымдастырылды. Акцияны өткізуге кәсіподақ ұйымы бастама көтерген болатын.
«Медикер» медицина орталығының мамандары қан тапсыруға келіскен еріктілердің алдымен денсаулығын тексерді.
Теміржолшылардың артериальдық қан қысымы, қан құрамындағы қант мөлшері тексеріліп, дәрігерлік кеңес берілді. «Бүгінгі «Денсаулық күні» акциясы аясында 250 теміржолшы қан тапсырды. Бұл үлкен қайырымдылыққа негізделген қоғамдық шара деп айтуға болады», – дейді Ақтөбе жүк тасымалы мекемесінің кәсіподақ төрағасы Самат Ұлмағамбетов.
Дәрігерлер теміржолшыларға қан тапсырудың денсаулыққа пайдалы екенін түсіндірді. Қан берген адамның ағзасы тазарып, қысымы реттеледі.
Сондықтан дәрігерлер жылына кем дегенде үш рет донор болуға кеңес берді.
«Бүгін мен де қан тапсырдым. Өзімді жақсы сезініп тұрмын. Мұндай шараға қатысуым бірінші рет емес. Жылда үлесімді қосуға тырысамын. Өзім теміржол саласында 1995 жылдан жұмыс жасаймын. Техникалық бөлімде станциялардың құжаттарын пысықтаумен айналысамын», – дейді теміржолшы Қоблан Бектұрғанов.
Донор болу акциясынан кейін теміржолшы жастар «Никотинге – витамин» шарасын ұйымдастырды.
Әріптестеріне шылымның орнына жеміс ұсынылды. Сонымен қатар теміржолшылар жаттығу жасап, денсаулық акциясынан көңілді тарасты.
Ардақ ЕРУБАЕВА, Ақтөбе