Ортақ тақырып - еңбек қорғау
Ақтоғай локомотив пайдалану депосында Алматы ЖТ және кәсіподақ басшыларының қатысуымен Алматы жүк тасымалы бөлімшесі әзірлеген «нөлдік жарақаттанудың» негізгі бағыттарын жүзеге асыру қызықты әрі танымдық сипатта өтті.
Алматы ЖТ бөлімшесі бас инженері Сабыр Иманғалиев бұл іс-шара Дүниежүзілік еңбекті қорғау күніне арналып, әлемдік жұртшылықтың назарын проблеманың ауқымына аудару, еңбекті қорғау мәдениетін ілгерілету, жұмыс орнындағы жыл сайынғы өлім-жітімді төмендету мақсатында өткізіліп отырғанын айтты.
Сондай-ақ, ол жіберілген жазатайым оқиғалар мен бақытсыз жағдайларға тоқталып, теміржолшыларға қызметтік міндеттерін орындау кезінде еңбек қауіпсіздігі талаптарының бұзылуы қандай жағдайда орын алатынын мұқият түсіндірді. Алматы жүк тасымалы бөлімшесі директорының экономика жөніндегі орынбасары Тастемір Нұрғалиев нөлдік жарақаттану стратегиясының негізгі міндеттері туралы егжей-тегжейлі баяндап берді. Қазіргі уақытта ұжымда «нөлдік жарақаттану» стратегиясының негізгі бағыттарын жүзеге асыруға қатысты түсіндіру жұмыстары жүргізіліп жатыр. Өндірісте жазатайым оқиғалардың алдын алу бойынша профилактикалық жұмысқа бағытталған нөлдік жарақаттануды жүзеге асырудың жол картасы бекітілген.
– Қауіпсіздік үшін күрес – әрбір өндіріс орнында үздіксіз жүргізілуі қажет. Еңбекті қорғау саласындағы Қазақстан Республикасының заңнамалық талаптарына сәйкес қауіпсіз еңбек жағдайларын жасап, қауіпсіздік ережелерін қатаң сақтау – әр азаматтың міндеті. Өзін және әріптестерін негізсіз тәуекелге тартпай, алдын алу шараларын қолдану қажет, – деп атап өтті Тастемір Мешкат-Шәріпұлы.
Іс-шара аясында Ақтоғай станциясының, вагон және локомотив депосының командалары арасында еңбек қауіпсіздігі және еңбекті қорғау саласындағы заңнамалық-нормативтік құжаттарды білу бойынша білім сайысы түріндегі викториналық ойындар өткізілді. Қан кету, кенеттен денсаулық нашарлау, жарақат алу жағдайлары кезінде дәрігерге дейінгі алғашқы көмек көрсету бойынша конкурс эмоционалды түрде өтті.
Конкурс қауіпсіз еңбек жағдайларын жасау бойынша жұмыстың өнімділігін арттыру, оң тәжірибені насихаттау мақсатында өткізілді. Кездесу барысында жұмыс орындарында еңбек қауіпсіздігі және еңбекті қорғауды ұйымдастыру жөніндегі бейнероликтің тұсаукесері өтті. Білім сайысы ойындарын өткізудің, қауіпсіздік пен еңбекті қорғау бойынша көрсетілімнің нәтижесі бойынша, 1-орын – ТЧЭ-29 командасына (20 000 теңге ақшалай сыйлық), 2-орын – ВЧД-26 Ақтоғай командасына (15 000 теңге ақшалай сыйлық), 3-орын Ақтоғай станциясына (10 000 теңге ақшалай сыйлық) бұйырды. Еңбек қорғау және қауіпсіздік техникасы бойынша үздік басшы ретінде Ақтоғай локомотив пайдалану депосының бастығы Сейітбек Ешмұратов танылды. Еңбекті қорғау саласындағы үздік маман ретінде ТЧЭ-29 өндірістік қауіпсіздік және экология секторының бастығы Нұрлан Нұрсалямов танылды.