Отандық тепловоз - жолаушы тасымалында
Өткен аптада Маңғыстау станциясына ТЭЗЗА сериясындағы тепловоздар алғаш рет тартымдық қызмет көрсеткен «Алматы-Маңғыстау» бағытындағы жолаушылар пойызы барды.
«ҚТЖ-Жүк тасымалы» АҚ басшылығы локомотивтерді ұтымды пайдалану мақсатында аталған сериядағы локомотивтердің Сексеуіл-Маңғыстау-Сексеуіл аралығында қызмет көрсетуін қолға алу туралы шешім қабылдады.
Тартымдық қызмет көрсетудің осы сызбасын бұрын 2ТЭ10-МК сериялы тепловоздар қолданылып келген өзге де жолаушылар пойыздарына қолдану жоспарда бар. Отандық құрастырудағы «Эволюшн» сериялы ТЭ33А тепловоздары Нұр-Сұлтан қаласы іргесіндегі локомотив құрастыру зауытында шығарылатыны белгілі. Бұл шешім материалдық және қаржылық ресурстарды үнемдеуге әкеледі деп күтілуде. Сонымен қоса өндірістікэкономикалық көрсеткіштерді жақсартуға да ықпал етуі күтілуде.