Маңғыстауда тоқсандық қорытынды шығарды
Маңғыстауда осы жылы 1 ақпан мен 1 мамыр аралығында «Диспетчерлік аппарат қызметкерлеріне жан-жақты қолдау» атты үш айлық өткізіліп, соның қорытындысы өткен апта шығарылды.
Техникалық сабақ барысында қорытындысы жасалған үш айлық шара барысында диспетчерлік аппарат ғимаратына косметикалық жөндеу жүргізіліп, материалдық-техникалық қамтамасыз ету мәселелері шешімін тапқан. Сонымен қатар нормативтіктехникалық құжаттама жаңартылған.
– Бұл аралықта бізге ұлттық компания басқарма төрағасынан бастап, оның орынбасарлары, «Қазтеміртранс» АҚ, «ҚТЖ-ЖТ» АҚ, «Магистральдық желі дирекциясы» филиалы басшылығы және тағы да басқа басшылар келіп кетті. Одан бөлек облыс әкімдігінен басшылар келді. Үш айлық кезінде диспетчерлік аппарат қызметкерлері жолаушылар және жүк пойыздарының қозғалысын ұйымдастыру бойынша біршама жұмыстар атқарды, – дейді Маңғыстау ЖТ бөлімшесі директорының орынбасары Ерлан Бүркітов.
Одан басқа айлық аясында су шайып кетуге қарсы пойыздарды құрастыру, жолға күрделі жөндеу жүргізу, шаруашылық пойыздарын жүргізу, қаламаңы пойыздарының қатынау кестесін оңтайландыру, жоғары габаритті жүктер өткізуді қамтамасыз ету, жүк паркі вагондарының санағы сынды жұмыстар жүргізілді. Бұл шаралардың бәрі де филиалдағы бұдан арғы қозғалыс қауіпсіздігін сақтау деңгейін арттырып, диспетчерлік аппарат қызметкерлерінің жауапкершілігі мен кәсібилігін жоғарылатуға ықпал етті.