Хромтау тұрғындары вокзалға дейін автобустың жоқтығына шағымданды

Аймақтар
27.06.2019, 14:41
Ардақ Ерубаева

Ақтөбе облысы бойынша меншікті тілші

«Тәуелсіздік теміржолы» деген атау алған Хромтау-Алтынсарин теміржол магистралінің халық игілігіне жұмыс істеп жатқанына 15 жыл өтті. Бұрынсоңды пойыз бармаған елді мекенге тартылған теміржол жергілікті халыққа расымен «жаңа өмір» алып келді. Бүгінде аймақта екінің бірі теміржолшы кәсібін меңгеріп, оны негізгі күнкөріс көзіне айналдырып отыр. 

Аслан Хазизхан бүгінде Хромтау станциясының бастығы. 20 жыл бұрын еңбек жолын қарапайым вагоншы болып бастаған оның жастарға айтары бар.

«Жас кезіңде жұмыс талғамау керек! Бұл сенің тек тәжірибе жинайтын уақытың ғана емес, өзіңді көрсетіп алға ұмтылатын кезің. Еңбек етсең, алдымен өзіңе, сосын айналаңа пайдаң тиеді. Ол үшін тау қопарудың қажеті жоқ. Кәсібіне адал болып, міндетті жұмысыңды адал атқарсаң жеткілікті.  Ал біз таңдаған сала үлкен жауапкершілікті талап етеді», – дейді станция басшысы.

Ол теміржол саласына келген 1998 жылы жас маманға берілген алғашқы тапсырма Дөң станциясындағы жүк вагондарын тазалау болыпты. Жұмысы тындырымды, ісіне жауапты жас білімін жетілдіріп, пойыз құрастырушы, диспетчер, станция кезекшісі болып сатылай өскен.

«2004 жылы Дөң станциясы бастығының жүк тасымалы бойынша орынбасары болып тағайындалып, біраз жыл еңбек етіп, мол тәжірибе жинақтадым. 2013 жылы Хромтау станциясының басшысы болып тағайындалдым. Бізде штат құрамы көп емес, төртінші деңгейлі станция болып табылады. Үш бағытта жұмыс жасайды. Диспетчерлер түгел сауатты тәжірибелі мамандар. Барлығы автоматтандырылған. Вагон тексеретін бес адам бар. Бірақ станцияда жөндеу жұмыстары жасалмайды. Локомотив депосы болмаған соң Никельтау, Әйтеке би станцияларына жібереміз. Тек қауіпсіздікті бақылаймыз. Бұл жерден күнделікті 12 жұп пойыз өтеді. Күнара төрт жолаушы пойызы тоқтайды. Олар «МаңғышлақНұр-Сұлтан», «Орал-Нұр-Сұлтан», «Атырау-Нұр-Сұлтан» пойыздары. «Атырау-Нұр-Сұлтан», «Орал-НұрСұлтан», «Алматы-Орал» бағытындағы Тальго пойыздары тоқтамайды, бірақ үстімізден өтеді. Сондықтан – қауіпсіздік біз үшін бірінші кезектегі басымдық», – дейді Аслан Хазизханұлы.

Хромтаудың қысы бөлек, желді, боранды келеді. Станцияға жолаушылар жете алмай қалып жататын да жағдайлар жиі кездеседі екен. Хромтау қаласы мен вокзалдың арасы 16 шақырым. Қала арасында қатынайтын автобус та жоқ. Жұмысшылардың өзі таксимен келеді немесе жолшыбай кездескен көлікпен қатынайды. Теміржолшыларды қинайтын мәселе осы. Жергілікті әкімдік жыл соңына дейін вокзалға бағытталатын екі автобус жіберуге уәде беріп отыр екен. 

Жаңалықтар
04.04.2025
ҚТЖ және Цзиньхуа Көлік-инвестициялық тобы логистикалық кешен салу туралы келісті
Жаңалықтар
04.04.2025
"KTZ Express" қытайлық серіктеспен екі меморандумға қол қойды
Жаңалықтар
04.04.2025
Теміржолшылар мен полиция бірігіп 238 рейд жүргізді
Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды