Құрылғыларда кінәрат жоқ
Қызылорда облысы бойынша меншікті тілші
Жалағаш станциясының солтүстік алқымындағы Ч8 бағдаршамның жарығын тексеріп жүрген топ құрамында Қызылорда белгі беру және байланыс дистанциясының бас инженері Мейіржан Жахановты жолықтырдық.
Дистанцияның осы бекеттегі аға электромеханигі Әмір Құдайбергенов пен электромеханик Нұрболат Ысқақов ескертулерді қойын дәптерлеріне белгілеп, олқылықтарды ретке келтіруде. Бас инженер бұл жұмыстардың дистанция басшылығы тарапынан бекітілген учаскелерді жоспарлы бақылап, комиссиялы тексеру шарасы аясында өткізілуде екен.
– Дистанция басшылығының телімдерді жоспарлы бақылап-тексерудің кешенді жоспары бекітілген. Сол жоспар негізінде басшылық тарапынан дистанция телімдеріндері байланыс құрылғыларын жұмысын тексеру, жеке құрамның білімін сараптан өткізу, олардың еңбек және техникалық қауіпсіздігін қадағалау, пойыздардың қозғалыс қауіпсіздігін сақтауды арттыру шараларын назарда ұстау мақсатында бүгін Жалағаш станциясында жұмыс жасайтын дистанция мамандарының жұмысын бақылап, мұндағы байланыс құрылғыларының кідіріссіз жұмыс жасауын тексеруден өткізудеміз. Тексеру нәтижесінде оғаш кемшілік кездескен жоқ. Тек бірқатар ескертулер айтылып, ол қолма-қол орнына келтірілді, – деді дистанцияның бас инженері Мейіржан Жаханов.
Жалпы мекеме басшылығының телімдерді бақылап тексеруі жеке құрамның жұмысын ілгерілету, кемшіліктерді дер кезінде жойып, оның екінші рет қайталануына жол бермеу арқылы жылжымалы құрамдардың кідіріссіз әрі қауіпсіз қозғалысын сақтауды арттыру мақсатында тұрақты жүргізіледі. Кейде мұндай тексерулер тәуліктің кез келген уақытында тосыннан өткізілуі мүмкін. Сайып келгенде мұның бәрі пойыздар қозғалысы қауіпсіздігін сақтау, құрылғылардың кідіріссіз жұмыс жасауын қадағалау және теміржолшының жеке басының амандығына алаңдаушылықтан туындайтын мәселелер екені анық.