Қызылордада бір күнде алты мекеменің теміржолшылары қан тапсырды
Қызылорда облысы бойынша меншікті тілші
Жер-жерде теміржолшылар көтерген бастамадан Сыр елі де тыс қалған жоқ. Қызылордада бір күнде алты мекеменің теміржолшылары қан тапсырды, деп хабарлайды Rail-news.kz.
Аймақ теміржолшыларының бұл бастамасына разылық білдірген қан орталығының қызметкерлері «сіздердің әрқайсыңыз бірнеше адамды ажалдан арашалап аман алып қалдық деп есептегейсіздер» деді. Және мұндай қайырымдылық шарасын өзге ұжымдардан да күтетіндерін жеткізді.
Әлеуметтің тұрмыстық ахуалдың күрделенуіне орай бейбіт шеруден басталған халық толқуының соңы дүрбелеңге айналып төтенше жағдай жарияланғаны мәлім. Осы жағдаяттардың әсерінен түрлі дене жарақатын алғандар жергілікті ауруханаларға жүгінуге мәжбүр болған. Осыған байланысты ауруханаларда қан тапшылығы туындағаны да рас. Көп бейінді облыстық аурухананың қан орталығына келіп қан тапсырған теміржолшылардың қайырымдылық акциясы алдағы күндерде де жалғасатын болады.
Сабырхан СЕЙІЛБЕКҰЛЫ