Өскелең ұрпаққа қамқорлық

Әлеумет
02.08.2022, 13:15
Райхан Рахметова

«Қазақстан теміржолшысы» газетінің тілшісі

Қазақстан темір жолы өз қызметкерлеріне ғана емес, олардың балаларына да қамқорлық танытуды бұлжымайтын қағидаға айналдырған. Балалардың демалысы мен денсаулығына, олардың дамуына бей-жай қарамайтын ұлттық компанияда осы бағытта түрлі әлеуметтік жобалар мен бағдарламалар бар.

Мәселен, Компания «Қазкөліккәсіп» ҚБ-мен арадағы ұжымдық шарт негізінде жыл сайын жазғы лагерьлерге теміржолшылардың 7-13 жас аралығындағы балалары үшін жолдама сатып алады. Баланың ата-анасы жолдама құнының 10 пайызын ғана төлеп, қалғанын компания көтереді. Бұл дәстүр екі жыл пандемия кезінде ғана тоқтағаны болмаса, кеңес кезінен жалғасып келеді. Мысалы, биыл да теміржолшылардың 7 мыңдай баласы Ақмола, Қостанай, Алматы, Түркістан, Жамбыл, Ақтөбе облыстарында орналасқан «Звездный континент», «Самұрық», «Болашақ», «Спутник», «Машат», «Рауан», «Шұғыла» сауықтыру лагерлерінде демалуда.

«Өскелең ұрпаққа қамқорлық жасау – компанияның әлеуметтік саясатының ең басты бағыттарының бірі. Бүгінгі таңда теміржолшылардың 140 мыңға жуық балалары түрлі әлеуметтік жеңілдіктермен қамтамасыз етілген. Биыл Балалар жылында көп балалы отбасылардан шыққан балаларға шахмат үйрету қолға алынды. Сонымен қатар ерекше балаларды ІТ технологиялар бойынша оқытуды көздеп отырмыз, – дейді компанияның әлеуметтік саясат департаментінің бас менеджері Ақмарал Байғабылова.

Халықаралық балаларды қорғау күні, Жаңа жыл қарсаңында теміржолшылардың бірде-бір баласы назардан тыс қалмай, мерекелік шараларға қатысып, сыйлықтарға кенеледі. «Балауса болашақ» сурет байқауы жыл сайын ұйымдастырылып, нәтижесінде үздік сурет авторлары арнайы диплом, бағалы сыйлықтармен марапатталады. Бір айта кетерлігі, бұл байқау әр жылда әр түрлі тақырыпқа арналады. Мысалы, 2020 жылы Түрксіб теміржолының 90 жылдығына орай байқау тақырыбы «Түрксіб – балалар көзімен» деп аталып, оған 7-14 жас аралығындағы теміржолшылар балалары онлайн қатысты. Ал 2019 жылы бұл байқауда 5-7 жас аралығындағы балалар еркін тақырыпта, 8-11 жастағылар «Қазақстан темір жолына – 115 жыл», ал 12-14 жастағылар «Еңбек қауіпсіздігі – балалар көзімен» деген тақырыптарда сурет салды. «Балау- са болашақ» байқауы биыл ҚТЖ-ның 25 жылдығына арналды. Кейбір бөлімшелерде қауіпсіздік айлығы аясында сурет байқауы «Қауіпсіздік политрасы» деген атпен ұйымдастырылуда.

Пандемияға дейін «ҚТЖ» ҰК» АҚ мен «SAMRUK-KAZYNA TRUST» әлеуметтік жобаларды дамыту қорының ұйымдастыруымен «Туған елге саяхат» жобасы бірнеше жыл қатарынан жүзеге асырылды. 12 мен 15 жас аралығындағы балалар жазғы демалыста он күндей Астана – Байқоңыр – Түркістан – Алматы – Алакөл – Астана бағыты бойынша пойызбен саяхатқа шықты. Балалар жылы мен Кәсіподақтың 30 жылдығы шеңберінде биыл елордада компания қызметкерлерінің балаларына арналған экскурсиялық тур өтті.

1 қыркүйек Білім күні қарсаңында теміржолшылар «Мектепке жол» акциясына белсенді қатысады. Кәсіподақ комитетінің өңірлердегі филиалдары тек теміржолшылар балаларына ғана емес, әлеуметтік аз қамтылған отбасылар балаларына мектеп формасы мен оқу құралдарын алып беріп, көмек көрсетеді. Кейбір шалғай бекеттерде мектептің жоқтығына немесе қашықтығына байланысты теміржолшылардың балаларын тасуды да міндетіне алған филиалдар бар.

Ұлттық компания мен «Қазкөліккәсіп» ҚБ арасындағы Ұжымдық шарт аясында көп балалы отбасылар мен жалғызбасты аналарға және жетім балаларға басқа да түрлі жеңілдіктер мен жәрдемақылар қарастырылған.

Жаңалықтар
22.08.2025
ҚТЖ бүкіл ел бойынша вокзалдарды ауқымды жаңғыртуды жүргізуде
Инфографика
22.08.2025
Биыл «Достық – Мойынты» учаскесінің екінші жолдарының құрылысы аяқталады
Инфографика
22.08.2025
ТХКБ бойынша жүк тасымалы соңғы бес жылда 6 есеге өсті
Инфрақұрылым
22.08.2025
Теміржол әлеуеті сөз болды
Цифрландыру
22.08.2025
Цифрландырудың бес бағыты
Қауіпсіздік
22.08.2025
Кәсіби қырағылық: вагон қараушы пойыз қозғалысын қауіптен қорғады
Әлеумет
22.08.2025
Маңғыстаулық теміржолшылар отбасы Астанадағы байқаудан жүлдемен оралды
Аймақтар
22.08.2025
Семей теміржол вокзалы жаңғыртылуда
Жаңалықтар
22.08.2025
Жүйелі жұмыстар жалғасуда
Жаңалықтар / Мұрағат
22.08.2025
Қазақстан теміржолшысы газеті, №68 22 тамыз 2025 жыл
Әлемде
21.08.2025
Alstom жаңа сутекті пойызын сертификаттауға шығарды
Жүк тасымалы
21.08.2025
"Шұбаркөл Премиум" көмірін тасымалдау бойынша рекорд орнатылды
Аймақтар
21.08.2025
800 метрге дейінгі түйіспесіз рельс плеттерін дайындайтын кәсіпорын
Инфрақұрылым
21.08.2025
Құлсары жолы жаңарып жатыр
Жаңалықтар
20.08.2025
ҚТЖ Қытай инвесторларымен Каспий логистикасын кеңейту мәселесін талқылады
Жүк тасымалы
20.08.2025
ҚТЖ мен ірі жүк жөнелтушілер жыл соңына дейін тасымалдау жоспарларын талқылады
Жүк тасымалы
20.08.2025
Орта дәліз: Чэнду қаласынан шыққан контейнерлер 15 күнде Карсқа жетті
Трансформация
20.08.2025
Елде теміржол техникасын өндіру көлемі еселеп артты
Цифрландыру
20.08.2025
Цифрлық технологиялар тасымал тиімділігін 45%-ға арттырады – Жаслан Мәдиев
Инфрақұрылым
19.08.2025
Үкіметте теміржол саласын жаңғырту мәселелері қаралды