Темір жолдың тәртіп сақшылары қайырымдылық акциясын өткізді
Ақтөбе облысы бойынша меншікті тілші
Тәуелсіздік мерекесі қарсаңында Ақтөбе станциясындағы желілік полиция бөлімінің қызметкерлері қайырымдылық акциясын өткізді.
Олар биылғы жылы қорытындыланғалы отырған «Балалар жылы» аясында бір отбасыға көмек көрсетті. Темір жолдың тәртіп сақшылары 34 жастағы жалғызілікті көпбалалы ананың отбасына арнайы барып, жеке құрам атынан қомақты көмек берді. Отбасында бес бала бар, ең кішкентайы ауыр сырқатқа ұшырап, ем қабылдауда. Көпбалалы ана полицейлер тарапынан көрсетілген қолдау-көмекке риза болып, алғысын жаудырды.
«Қайырымдылық акциясына біздің 70-тен аса қызметкеріміз қолдау білдіріп, жиналған қаражатқа отбасыға азық-түлік пен қаржылай көмек көрсеттік», – дейді Ақтөбе станциясындағы желілік полиция бөлімінің өкілі Роза Төлегенқызы.