«Саламатты Қазақстан» пойызы Абай елін аралап жүр

Әлеумет
06.06.2023, 11:19
Райхан Рахметова

«Қазақстан теміржолшысы» газетінің тілшісі

Алматыдан шығып Қазақстанның түкпір-түкпірін аралап жүрген «Саламатты Қазақстан» пойызы 23 мамырдан бері ШҚО және Абай облыстарының халқына қызмет көрсетуде.

Білікті медициналық мамандар топтастырылған рельстегі емхана 1 маусым күні Алтай ауданы Быково елді мекенінде орналасқан бекетке тоқтап, таңертеңнен кешке дейін жергілікті халықты қабылдады. Пойыздың бас дәрігері Айнұр Егінбаеваның айтуынша, ақ халаттылар биылғы 6 желтоқсанға дейін 121 станцияға барады.

– Демалыссыз жұмыс істейміз. Сенбі-жексенбі күндері де тұрғындарды тоқтаусыз қабылдай береміз. Пойыз әр станцияда 1-2 күн тұрады. Егер үлкен бекет болса – екі, шағын болса, бір күн аялдаймыз. Пойызда невропатолог, окулист, стоматолог, уролог, хирург, акушер-гинеколог, жалпы тәжірибелік дәрігер, терапевт, педиатр, офтальмолог, лор, маммолог сынды мамандар бар. Ұзын саны 12 дәрігер. Бұдан бөлек, осы жылдан бастап қатарымызға заңгер мен медиатор қосылды. Халық олардың да кеңесін тегін ала алады. Дәрігерлердің 80 пайызы Астана қаласынан, қалғандары Алматыдан іріктелген. Олар сегіз ай бойы осы пойызда үзіліссіз еңбек етеді, – дейді бас дәрігер.  

Пойызда 8 вагон бар. Оның төртеуінде медициналық жабдықтар болса, біреуінде сол жабдықтарды тоқпен қамтамасыз ететін дизель тұр. Екі вагон жататын орын, тағы бір вагонда ресторан. Пойыз заманауи диагностикалық және емдеу жабдықтарымен, УДЗ-бен, флюорографиялық аппаратпен, шағын ота зертханасымен, интернетке сымсыз қосылуға мүмкіндік беретін байланыс құралымен жабдықталған.  

– Медициналық қызметке жүгінетін халық көп, ең көбі бір күнде 600-ге жуық адам келсе, ең азы 100 адам шамасында болды. Ең жас пациентіміз бір айлық сәби болса, ең егдесі 91 жаста болды, әрбір адамға көмектесуге тырысамыз. Жан-жақты тексеріп, ем тағайындап береміз, – дейді дәрігер.

 

Жаңалықтар
27.07.2025
ҚТЖ Басқарма төрағасы теміржол саласының ардагерлерімен кездесті
Жаңалықтар
27.07.2025
Астанада машинистер чемпионатының жүлдегерін салтанатты түрде қарсы алды
ҚТЖ келбеті
26.07.2025
ҚТЖ машинисі ТМД елдері арасында кәсіпқойлар чемпионатында жүлделі орынға ие болды
Жаңалықтар
25.07.2025
Теміржолшылар өткелдерде рейд жүргізуде
Жүк тасымалы
25.07.2025
Тариф өсімі: кімге тиімді, кімге тиімсіз?
Инфрақұрылым
25.07.2025
Шымкенттегі теміржол өткелінде төрт жолақты көпір құрылысы қарқын алды
Аймақтар
25.07.2025
Жұмыла көтерген жүк жеңіл
Аймақтар
25.07.2025
Ұлы Абайдың ізімен...
Спорт
25.07.2025
ЦЖС командасы шағын футбол турнирінің жеңімпазы атанды
Жаңалықтар / Мұрағат
25.07.2025
Қазақстан теміржолшысы газеті, №56 25 шілде 2025 жыл
ҚТЖ келбеті
24.07.2025
Астанада локомотив бригадалары арасында байқау өтті
Аймақтар
24.07.2025
Семей жол дистанциясында еңбек жағдайы жақсаруда
Қауіпсіздік
24.07.2025
Балалар қауіпсіздігі бәрінен маңызды
Жолаушылар тасымалы
24.07.2025
«Астана-Павлодар» қала маңы электр пойызының қозғалыс кестесі жаңартылды
Қауіпсіздік
24.07.2025
Машинист дер кезінде әрекет етіп, жолдағы әйелді аман алып қалды
Әлеумет
23.07.2025
Жаз қызығы жалғасуда
Әлеумет
23.07.2025
Медициналық пойыз Қостанай ауылдарына қызмет көрсетіп жатыр
Әлемде
23.07.2025
Орталық Азия Ауғанстанды үнді мұхитына шығатын дәліз ретінде көреді
Жүк тасымалы
23.07.2025
Орта дәліз: Қытай, Қазақстан және Әзербайжан ынтымақтастығы күшейе түсті
Әлемде
23.07.2025
Ұлыбританияда Stadler 99 сериялы жаңа локомотиві таныстырылды