Қызылорда теміржолында бір апта бойы қарттарға құрмет көрсетілді

Қызылорда теміржолында апта бойы ардагерлерге құрмет көрсету апталығы өтті десек, артық айтпаймыз. Бір апта бойы мына шеті Түркістан, ана шеті Сексеуіл станциялары арасында еңбек етіп, бүгінгі күні бейнеттің зейнетін көріп отырған қазыналы қарттарға ерекше ілтипат жасалды. Мекеме басшылары ардагерлерін түгендеп, үйлеріне барып қарттар күнімен құттықтаса,  жергілікті өнер ордалары концерттік бағдарламаларын тамашалатты, даталы жасқа толған ардагерлерге арнайы сый-сияпат жасалып, ақ дастархан жайылып, бата алудан басталған мерекелік мезірет жергілікті кәсіподақ ұйымдарының қолдауымен Қызылордада басталып, Сексеуіл, Қазалы және Шиелі станцияларында жалғасын тапты.  

Қызылорда және Сексеуіл локомотив пайдалану депосының, Қызылорда электрмен жабдықтау дистанциясының, Шиелі айналым депосының ардагерлеріне  азық-түлік толтырылған себеттер мен сыйлықтар табыс етілді.