Венгрия жолаушылар тасымалындағы тариф саясатын өзгертіп жатыр
Венгрия мемлекеттік темір жолдары (MÁV) 2024 жылдың 1 наурызынан бастап теміржол жолаушылар тасымалының жаңа тарифтік жоспарына көшетінін жариялады. Осы күннен бастап 14 жастан кіші және 65 жастан асқан жолаушылар тегін жол жүру құқығына ие болса, 14 пен 25 жас аралығындағы жолаушылар жарты бағамен жүре алады. Сондай-ақ, мемлекеттік қызметшілер жол жүру ақысына 50 пайыздық жеңілдікке ие болады, деп хабарлайды Rail-news.kz.
Жаңа ережелер Венгрия мен ЕО елдерінің азаматтарына ғана емес, барлық жолаушыларға қатысты болады.
Қазіргі уақытта бұған дейінгі 15 картаның орнына Vármegye24 және Magyarország24 («Vármegye24» және «Венгрия24») екі жаңа саяхат картасы енгізілуде. Бұл билеттер сізге белгілі бір аймақ немесе бүкіл Венгрия бойынша 999 форинтке (шамамен 2,87 АҚШ доллары) және 4,999 форинтке (14,3 АҚШ доллары) 24 сағат бойы жүруге мүмкіндік береді.
Жеңілдігі бар билеттер жүйесі де айтарлықтай қысқартылады - қазіргі 65 билеттің орнына шамамен 20 шақты болады. Банктік аударым арқылы билеттерді сатып алуды ынталандыру үшін MÁV 2024 жылдың жазында 200 форинт көлемінде әкімшілік алым енгізеді. Қазіргі уақытта барлық билеттер сатылымының 27% дейін MÁV мобильді қосымшасы арқылы сатылады.
Жаңа тарифтер енгізілгеннен кейін мүгедектер мен ауыр дертке шалдыққандар қалааралық және жергілікті көлікті тегін пайдалана алады.