Былтыр жолаушылардан 4 мыңнан астам өтініш түсті
«Қазақстан теміржолшысы» газетінің тілшісі
Өткен жылы «Жолаушылар тасымалы» АҚ атына корпоративтік пошта, «1433» өтініштерді есептеудің бірыңғай жүйесі және «Е-Otinish» азаматтардың өтінішін қабылдау және өңдеудің бірыңғай платформасы арқылы 4 мыңнан астам өтініш түсті.
Оның ішінде шамамен 2 мыңы – шағым, 1 мыңнан астам – ақпараттық әрі нақтылау сипатындағы сұрақтар және 715 – көрсетілген қызмет сапасына алғыс екен. Былтыр жолаушылар пойыздарының уақытынан кешігуіне өте көп шағым келіп түскен.
Әйтсе де, нақтылау сипатындағы сұрақ та аз емес екен: отырғызу талонын алу, билет қайтаруды және сайтта билет рәсімдеу тәртібі, кәмелетке толмаған жолаушыларды тасымалдау тәртібі және тағы басқа. Өтініштердің басым бөлігі жедел, сонымен қатар көптеген мәселе Инвестиция және даму министрлігінің 2015 жылғы 30 сәуірдегі №545 бұйрығымен бекітілген «Жолаушыларды, жүктерді тасымалдау, жолжүктері мен пошта жөнелтілімдері ережесі» аясында шешіледі. Сондай-ақ өтініштердің бір бөлігі қатысы бар қызметкерлердің араласуымен толық және жан-жақты тексеру жүргізуді қажет етеді.