Балалар Өнер орталығын тамашалады
Қызылорда облысы бойынша меншікті тілші
Ертеңін бала өмірімен байланыстыратын теміржолшылар балаларды қорғау күні бүлдіршіндерді қуантуға асығады. Бұл жолы балалар қала орталығында жаңадан ашылған Өнер орталығының актерлері қойған анимациялық фильмдерді, шығармаларды тамашалады.
Қызылорда қосалқы бөлімі 60 балаға, Магистральдық желі бөлімшесі 70 балаға, белгі беру және байланыс, жол дистанциялары 170 балаға мерекелік көңіл күй сыйлады.
– Мерекеде балаларға базарлық жасау аймақ теміржолшылары үшін үлкен жауапкершілік. Жыл сайын балаларды сауықтыру кешендеріне алып барып демалтатынбыз, биыл рухани тұрғыдан байып, зерделенсін деген оймен Өнер орталығы өнерпаздарының шығармашылығын тамашалауға әкелдік, – деді ұйымдастырушылар атынан бүлдіршіндерге тәтті балмұздақ таратқан Қызылорда белгі беру және байланыс дистанциясы кәсіподақ ұйымының төрайымы Ғалия Қожахметова.
