Жылжымалы емхана қызметі – Арыста

Әлеумет
05.11.2024, 09:25
Суретті түсірген автор
Нұрлыбек Досыбай

Түркістан облысы бойынша меншікті тілші

Ел азаматтарының денсау- лығын жақсартуды мақсат еткен жылжымалы емхана қызметі – «Саламатты Қазақстан» медициналық пойызы Арыс өңіріне жетті.

Алдымен қала іргесіндегі Шағыр станциясына, кейіннен Монтайтас станциясына аялдаған ақжолтай пойызды жергілікті тұрғындар қуана қарсы алып, тайлы-тұяғы қалмай станцияға ағылды.  80 мыңнан астам халқы бар Арыс ауданында 5 мыңға жуық теміржолшы бар. Сондықтан ел арасында «Арыс – теміржолшылар қаласы» аталады. Жергілікті атқарушы билік өкілдері кеңесе келе медициналық пойыздың Арыс қаласынан қашықтау орналасқан шағын станцияларға тоқтауы тиіс деп шешім қабылдапты. Бүгінгі таңда Шағыр станциясында мыңға жуық адам мекен етсе, Монтайтас ауылында 4 мыңнан астам халық тұрады. Олардың дені 30-70 шақырым жердегі Арыста орналасқан түрлі мекеме, кәсіпорындарда еңбек ететін кәсіби теміржолшылар.  

Арыс қаласы әкімінің орынбасары Алмас Сұлтанов «жылжымалы емхананың» келуі Арыстың халқына ерекше қуаныш сыйлайтынын атап өтті. Бұл – ұлт саулығының нығаюы жолында жасалып жатқан маңызы зор жоба деп бағалады. Ал Монтайтас пен Шағыр станциясының бастығы Бақытжан Қарынтаев әріптестерімен бірге 4 тәулік бойы екі станцияға аялдаған арнайы пойызды барлық қажеттіліктермен қамтамасыз етті.  

– Медпойызға тексерілуге келетін тұрғындардың кіріп-шығуына қауіпсіз әрі ыңғайлы жағдай жасалды. 380 кВт ток көзі мен суын қосып бердік. Санитарлық талаптарға сай арнайы дәретхана мен қоқыс жәшігін орнаттық. Жалпы, қызмет көрсетуші персоналдар мен тексерілуге келген азаматтарға мейлінше қолайлы жағдай жасадық, – дейді ол.  

Ел игілігіне жарап, көпшіліктің алғысына бөленген медициналық пойыз 45 мыңнан асатын тұрғыны бар Арыс қаласына да аялдаса деген ұсыныс-пікірлер айтылып жатты. Алайда, медициналық жылжымалы құрам мақсаты шалғай станция тұрғындарын профилактикалық тексеруден өткізу болғандықтан, ендігі бағыт алдын ала бекітілген жоспар бойынша Шеңгелді, Дарбаза мен Бадам, Игілік, Састөбе сынды станцияларға тоқтайтыны белгілі болды. «Саламатты Қазақстан» медициналық пойызының бас дәрігері Айнұр Құдайбердіқызы жергілікті тұрғындарды сақтандыру төлемінің бар-жоғына қарамай, таңғы 9:00-ден кешкі 6:00-ге дейінгі аралықта тегін қабылдап жатқандарын жеткізді.  

– Дәрігерлер құрамында хирург-травмотолог, невропатолог, окулист, кардиолог, ЛОР дәрігері, стоматолог, гинеколог, уролог сынды жалпы практикалық дәрігер мен психолог, педиатр сияқты біліктілігі жоғары мамандарымыз бар. Сондай-ақ УДЗ, рентген аппараты мен флюрография және арнайы жабдықтармен жарақтандырылған зертханамыз да сапалы қызмет көрсетуге қауқарлы, – дейді ол.  

Сегіз вагоннан тұратын медициналық пойыз заманауи диагностикалық және медициналық жабдықтармен, шағын операциялық бөлмемен және интернетке сымсыз қосылуға арналған байланыс құралдарымен толық жабдықталғанын атап өткен жөн.  

Жалпы, «жылжымалы емханадағы» мамандардың 80%-ы Астана қаласынан болса, 20%-ы Алматы қаласынан. Жоба аясында әлеуметтік жағынан мұқтаж топтарға көмек көрсетуге ерекше көңіл бөлінген. Олардың санатында жалғызбасты немесе көпбалалы аналар мен мүгедек және ауыр дертке шалдыққан балаларды тәрбиелеп отырған әйелдер, жұмыссыз жастар мен зейнеткерлер және студенттер бар.  

2016 жылдан бастап іске қосылған «Саламатты Қазақстан» пойызының құрамындағы заңгерлер мен кәсіби медиаторлар көмегіне де ауыл тұрғындары жиі жүгініп, құқықтық кеңес алуда.  

 

Жаңалықтар
31.08.2025
ҚТЖ мен Қытай компаниясы «Бақты – Аягөз» теміржолын талқылады
Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек