Медициналық пойыз Қостанай ауылдарына қызмет көрсетіп жатыр
«Саламатты Қазақстан» медициналық пойызы» елдік әлеуметтік жобасын іске асыру шеңберінде Қостанай облысы Денисов ауданының «Денисовка» станциясына әртүрлі бейіндегі 30 медицина қызметкерінен тұратын командамен барды, деп хабарлайды Rail-news.kz.
Пойыздың құрамында әртүрлі мамандықтағы дәрігерлер жұмыс істейді: терапевттер, хирургтар, педиатрлар, кардиологтар, невропатологтар, ЛОР дәрігерлері, офтальмологтар, стоматологтар, гинекологтар, урологтар, психологтар және функционалдық диагностика мамандары.
Пациенттерге ультрадыбыстық, ЭКГ, флюорография, гастроскопия, зертханалық зерттеулер қолжетімді. Қажет болса, шағын хирургиялық араласулар жасалады.
Жобаның мақсаты - ауыл тұрғындарын сапалы және қолжетімді медициналық көмекпен қамтамасыз ету. Маршрутпен қамтылған елді мекендердің тұрғындары медициналық сақтандырудың болуына қарамастан тегін консультация мен диагностика ала алады.
Пойыз «Денисовка» станциясында бірнеше күн болады, содан кейін Қостанай облысының басқа аудандары бойынша маршрутты жалғастырады.
Жоба Қазақстан Республикасы Денсаулық сақтау министрлігінің, «Samruk-Kazyna Trust» қорының, сондай-ақ Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен іске асырылуда.