«Саламатты Қазақстан» пойызы ШҚО-ға келді
«Саламатты Қазақстан» медициналық пойызы Шығыс Қазақстан облысына келді. Бірінші келу пункті Глубокое ауданының Предгорное ауылы болды, деп хабарлайды Rail-news.kz.
Ауыл тұрғындары бастаманың ыңғайлылығы мен қажеттілігін атап өтті. Адамдар пойызға таңертеңнен кешке дейін келуде, деп мәлімдеді Денсаулық сақтау министрлігі.
«Бүгін мен «Денсаулық пойызына» бардым, көз дәрігері мен терапевттен зерттеп-қараудан өткеніме өте қуаныштымын. Шынымды айтсам, бұрын дәрігерлерге баруды кейінге қалдыратынмын. Біресе жұмыс, біресе істеріммен қолым тимейтін, енді дәрігерлер үйіме келді. Бұл біз үшін өте ыңғайлы және маңызды», — деді ауыл тұрғыны Андрей Ершов.
Екі күн бойы пойыз Предгорныйда пациенттерді қабылдайды. Сондай-ақ, мұнда көрші ауылдардың тұрғындары - Верхберезовка, Кожохово және Веселовка келеді.