Астанада жас теміржолшылардың алғашқы фестивалі болып өтті
Шараны «Қазақстандық салалық теміржол, автомобиль, әуе және су көлігі қызметкерлерінің кәсіби одағы» ҚБ кәсіподақтармен және «Астана» филиалымен бірлесе ұйымдастырды.
Атадан мұраға қалған теміржолшылар Руслан және Қырмызы Махамеджановтар фестиваль қатысушылары болды. Бұл отбасы барлық туыстарының жалпы жұмыс өтілі 120 жыл.
Жанат және Алиса Қаңылбаевтар «Экспресс» филиалы Алматы учаскесінің жолсеріктері бірге еңбек етіп келеді. Жолаушыларға қызмет көрсету саласында Шагиевтер отбасы да жұмыс жасайды. Олардың барлығы да, өмірдің ең басты құндылығы – берік отбасы екендігіне сенімді.
Іс-шара барысында ерлі-зайыптылар тұрмысты бірлесе жайластыру, балаларды дамыту мен тәрбиелеу, қарым-қатынасты құру сияқты тақырыптарды талқылады.
Астана қаласы әкімдігі жанындағы отбасы-демографиялық саясат және әйелдер істері жөніндегі комиссия мүшесі, «Келешек» психологиялық орталығының директоры Н.Семененко осындай кездесулерді өткізу отбасы, оның статусын арттыру институтын нығайтуға ықпал ететіндігін атап көрсетті.
Іс-шараға қатысушылар мастер-сыныптар, іскерлік ойындар, дәстүрлі отбасылық құндылықтарды дәріптеу кезінде өздерінің шығармашылық және интеллектуальдық қабілеттерін паш етуге мүмкіндік алды.
Ұйымдастырушылар фестивальдерді республиканың барлық өңірлерінде өткізуді жоспарлап отыр. «ҚТЖ» ҰК» АҚ жас отбасыларға қолдау білдіруге үлкен көңіл аударылуда екендігін атап көрсеткен жөн.
Ұжымдық келісім-шарт бойынша шағын станциялар мен разъездерге жұмысқа келген, жас мамандарға, некені тіркеумен байланысты, бала туылғанда, сондай-ақ «Мерейлі жас теміржол отбасы» жыл сайынғы сайысының жеңімпаздарына – отбасыларға материальдық көмек көрсетіледі.