Жат ағымдардан сақтандырды

Жуырда «Әскерилендірілген теміржол күзеті» АҚ Семей филиалында еліміздегі діни ахуал және зайырлы қоғамдағы дінаралық қатынастар бойынша келелі жиын болып өтті. 

Онда дін мәселелерін зерттеу орталығының мамандары кең көлемде баяндама жасап, толыққанды мағлұмат берді. Қазіргі таңда еліміз бойынша діни ахуал тұрақты болғанымен астыртын әрекет ететін жат болмыстағы жымысқы топтардың бар екендігі ақиқат. 

Осы тарапта ресми мәліметтермен бөліскен мамандар дәстүрлі емес, деструктивті діни ағымдар сипатымен таныстырып өтті. Сонымен қатар, мемлекеттік саясаттың дінге және діни ұйымдарға көзқарасы мен әр азаматтың діни тұрғыдан сауатты болуының да маңыздылығы атап көрсетілді. 

Басқосу барысында ұлттық танымға негізделген ата дініміздің құндылықтары, толеранттылық мәселелері жөнінде де тұшымды әңгіме өрбіді. Сондай-ақ, ҚР «Діни қызмет және діни бірлестіктер» туралы заңнамасының басымдықтары жайында да кең көлемде сөз болды. Бұдан өзге қызметкерлерге заңсыз миссионерлік жүргізудің Заң алдындағы жауапкершілігі бойынша да түсінік берілді. 

Жиын азаматтық қоғам мен конфессияаралық қатынастар тақырыбында сауал-жауапқа ұласты. 

Қуан ЕРТІС, Семей