Ғашықтар күнінде сөз байласты

Әлеумет
18.04.2019, 14:13

15 сәуір – елімізде ғашықтар, яғни «Қозы Көрпеш – Баян сұлу» күні ретінде атап өту үрдісі қалыптасуда. Күні кеше осы мереке күні теміржолшылар қатарындағы тағы бір жұп мәңгі бірге болуға сөз байласты.

«Нұрлы жол» теміржол вокзалы кешенінің қызметкері Әділбек осы күні әріптесі Таңшолпанға вокзалдың күту залында дүйім жұрттың алдында салтанатты түрде сөз салды. Қолдарына қызыл шар ұстап, жүрек бейнесінде тізбек құрған жігіттерден – Әділбектің әріптестері оның қадамына қолдау білдірді. Өз махаббатын білдіруге осы ерекше күнді таңдаған Әділбек болашақ жарына «менің жарым бол!» деп әдемі жүзік пен оттай жанған гүл шоғын ұсынды. Жігіттің мұндай тосынсыйын қуана да қобалжи қабылдаған Таңшолпан, әрине келісімін беріп, ұсынысты қабыл алды. Алла қаласа, керемет жұп үйлену тойларын жазда өткізуді жоспарлап отыр. Қазірдің өзінде олардың ата-аналары бір-бірімен танысып, тойға дайындықты бастап кетіпті. Жалпы заманауи келбеттегі жаңа вокзалда өз жұбын осы жерден тауып, үйде де, түзде де бірге жүрген теміржолшы жастар көп.

Жаңа вокзалға келетін-кететін пойыздарды хабарлаушы диктор Таңшолпан мен вокзал кезекшісі Әділбек кешен ашылған 2017 жылдан бері осында қызмет етіп келеді. Тараздың қызы Таңшолпан алғаш жұмысқа келгенде диктор болу туралы ойламапты, бойында өнері тұнған қызға басшылық бір мәтінді оқып беруді сұраған. Даусы ерекше болғандықтан осы қызметке бекітіліпті. Содан бері ол вокзалға күніне келетін 17 пойыздың әрқайсысына 5 хабарландырудан 3 тілде хабарлап айтып отырады.

– Үш тілді де жақсы меңгергенмін. Бірақ шетел тілдерінен түрік тілін өте жақсы білемін. Жалпы Әділбек екеуміз де бакалавр, магистр дәрежесін алған маманбыз. Екі жыл бұрын осы вокзалда алғаш еңбек жолымызды бастап, танысып, білісіп, артынан достығымыз махаббатқа ұласты. Әділбектің маған ең бірінші кезекте адалдығы, тік мінезі, уәдеге тұратын мәрттігі мен балажандығы ұнайды, – дейді Таңшолпан қуанышын жасыра алмай.

Ақтөбенің тумасы Әділбек орталық зал кезекшісі. Алған бетінен қайтпайтын азамат Таңшолпанның бойынан болашақ жарына тән қасиеттерді байқап, оған көңілін білдір ген. Бастапқыда қыз иіле қоймаса да, алған бетінен қайтпай махаббатының берік екенін дәлелдепті.

«Адам өмірінде екі нәрседен қателеспеуі керек, бірі – мамандық таңдауда, екіншісі – жар таңдауда» деген сөз бар. Осы тұрғыда барлық жағынан жолымыз болды деп санайтын жастар, жас отбасылар «Нұрлы жол» вокзалында аз емес. Олардың алды қазір бірнеше баланың ата-анасы, енді жас отбасылар қатарына әдемі жарасқан жұп Таңшолпан мен Әділбек қосылғалы тұр...

Райхан РАХМЕТОВА 

Жаңалықтар
19.04.2025
«Алматы – Ташкент» пойызының жолсерігі баланы құтқарып қалды
Инфрақұрылым
18.04.2025
Достық-Мойынты учаскесінде 90 көпір орнатылды
Әлеумет
18.04.2025
Балалар арасында сурет салу байқауы басталды
Аймақтар
18.04.2025
Мамандық таңдау – маңызды іс
Аймақтар
18.04.2025
Қарт түбектің қақпасы қайта түлемек
Жүк тасымалы
18.04.2025
Қазақстан баламалы маршруттарды белсенді дамытуда
Жаңалықтар / Мұрағат
18.04.2025
Қазақстан теміржолшысы газеті, №29 18 сәуір 2025 жыл
Жаңалықтар
17.04.2025
ҚТЖ теміржол вокзалдарын ауқымды қайта құруға кірісті
Жаңалықтар
17.04.2025
ҚТЖ-да көктемгі комиссиялық тексеру басталды
Аймақтар
17.04.2025
Жамбыл облысында бес вокзал күрделі жөндеуден өтеді
Жүк тасымалы
17.04.2025
Кері байланыс қызмет көрсету сапасын арттырады
Аймақтар
17.04.2025
«Жолшы кәсібімен мақтан» республикалық семинары өтті
Инфрақұрылым
17.04.2025
Еліміздің алты өңірінде темір жолды жөндеу жүргізілуде
Қауіпсіздік
16.04.2025
Қызылорда өрт сөндіру пойызы кәсіби дайындықтарын шыңдады
Аймақтар
16.04.2025
Жолаушы қызметінде – қырық жыл
Жаңалықтар
16.04.2025
ҚТЖ-да танымал ақындардың шығармашылық кеші өтті
Жаңалықтар
16.04.2025
ҚТЖ Бизнес трансформация орталығы озық технологияларды енгізуде
Жаңалықтар
16.04.2025
Темір жолдарда су басу қаупі жоқ
ҚТЖ келбеті
15.04.2025
ЦЖС аруы Қызылордада тұрады
Спорт
15.04.2025
Теміржолшылар қалалық спартакиадада топ жарды