Арыста спорттық-бұқаралық жарыс өтті
Спортта ширақтық танытқан команда, жұмыста да көңіл-күйі жақсы, салауатты өмір салтының арқасында алға қойған міндеттерді ойдағыдай атқарары сөзсіз. Себебі, спорт – жан саулығы.
Жуырда Арыс қаласындағы «Игібай» спорт кешенінде Шымкент теміржолы бөлімшесінің жұмысшылары спорттық-бұқаралық жарыс өткізді. Аталған спорттық шараға 10 команда қатысты. Атап айтқанда, Арыс станциясы, ТЧЭ32, «ӘТЖК» АҚ, УПЧ-54, НЖС-9 Арыс станциясының вокзалы, «Транстелеком» АҚ, ШЧ-38, ЭЧ-24, ВЧД-30, Қалаш станциясы.
Жарыс үш түрден өтті: мини-футбол, үстел үсті теннисі, шахмат. Шахматтан әйелдер арасында 1 орынды ТЧЭ-32 экономисі Айзат Досалиева, 2 орынды ВЧД-30 технигі Динара Исабекова, 3 орынды ТЧЭ-32 нарядчигі Жұмабике Мақұлбекова жеңіп алды. Ерлер арасында 1 орынды спорт ардагері, шахматтан тұрақты қатысушы, ТЧЭ-32 машинисі Саттар Баширов, 2 орынды ЭЧ-24 электромонтері Асылхан Жарымбетов, 3 орынды «ӘТЖК» АҚ күзетшісі Ғанибек Алтынбеков алды. Осы жолы үстел үсті теннисі жарысына әйелдер де қатысты. 1 орынды вагон депосынан Динара Исабекова, 2 және 3 орынды локомотив депосынан Жұмабике Мақұлбекова мен Айзат Досқалиева алды. Ерлер арасында 1 орынды ЭЧ-24 мекемесінен Шаншарбек Шекеров, 2 орынды күзет қызметінен Құрманбай Түркменбаев, 3 орынды «Транстелеком» АҚ өкілі Серік Сапарбеков иеленді. Жарыстың ең қызықты бөлігі футболдан өтті. Нәтижесінде 3 орынды Арыс станциясы, 2 орынды локомотив депосы, ал жүлделі бірінші орынды ШЧ-38 командасы жеңіп алды. Жарысқа қатысқан барлық жеңімпаздар марапатқа ие болды. Осындай ауқымдағы іс-шара алдағы уақытта маусым айында Сарыағашта өтетін болады.