Тараздың тарихымен тамырлас

Өткен жылы қала күні қарсаңында Тараз темір жол бекеті аумағында ашылған «Көне Тараз аллеясы» бүкіл қалалықтардың мақтанышына айналған.

Бұл ғажайып нысан күн сайын көркіне көрік қосып, ажарлана түскен көне қалаға жаңаша кескін-келбет беріп, заман талабына сай көркемдеп, сәулеті мен сымбатын арттыра түскені анық. Расында, бүгінгі күнге дейін бұл аумақта осында келген қонақтарға ежелгі Тараз өңірінен сыр шертетін көрініс болмаған еді. Осыған байланысты, скверде «КөнеТараз» стеласы қойылып, айналасы абаттандырылды. Стелаға Тараз қаласының бұрынғы атаулары (Тараз, Әулие-Ата, Жамбыл, Талас) жазылып, тарихи кезеңдерді бейнелейтін (қобыз, домбыра, дәуіт, балбалтас) ұлттық құндылықтар орнатылғаны да өте әсерлі шыққан әрі символикалық мәнге ие. Ал эскиздік жобасы былтыр жаңадан құрылған «Сәулеттік бюро» мекемесінің жас архитекторлары тарапынан әзірленген.

Көне қаладағы алғашқы теміржол бекеті өткен ғасырдың басында салынған ғасыр құрылысы Түрксібтің кезінде бой көтерген екен. Ал бекеттегі теміржол өткелінің арғы бетіне өтетін көпірдің тұсындағы су мұнарасы 1924 жылы салынған. Ол – республикалық тарихи жәдігерлерді қорғау тізіміне алынған нысан. Жалпы, қала аумағында өңір және теміржол тарихына қатысты мұндай нысандар көптеп саналады.

Бүгінде Тараз – тоғыз жолдың торабы, тәулігіне 24 жұп жолаушылар пойызы өтеді. Қонақтар мен келушілер үшін барлық жағдай жасалған. Өңірде теміржолшылар әулеті көптеп саналады. Майталман теміржолшылардың ізін басқан жастардың дені – облыс орталығындағы №13 Тараз теміржол колледжі мен Тараз теміржол көлігі колледжерінде білім алады. Қазір осы студенттердің саяхаттайтын сүйікті орындарының бірі – «КөнеТараз» стеласы.