Қайырымдылық-2020: мұқтаж жандарға көмек
Атырау облысы бойынша меншікті тілші
«Қайырымдылық-2020» акциясы теміржолшылар тарапынан өңірде жақсы деңгейде жүргізілуде. Оның үстіне елдегі төтенше жағдай жастарды мұқтаж жандарға ерікті түрде жәрдем жасауға итермелеп тұрғандай.
Атырау жүк тасымалы бөлімшесінің кеңсе қызметіндегі жастары бас қосып бірігіп, жиналған ортақ қаражатқа қаладағы көмекке зәру жандарға, соның ішінде теміржолшы отбасыларына да азық-түлік және төтенше жағдай кезінде қажетті медициналық құралдар мен дәрі-дәрмектер әперді.
«Мен өмір бойына ұстаздық қызмет атқарған адаммын. Қазір жасым ұлғайды, кәрілік жеңді. Мына елде тараған індет те үрейлендіріп тұр ғой халықты. Осындай қиынқыстау шақта көмегін беріп жатқан теміржолшы жастарға аналық алғысымды білдіремін» дейді Ұлбосын әже. Теміржолда техникалық қызметкер Жазира апа да, басқалар да осындай ақжарма тілегін білдіріп, жастардың тірлігіне риза болып қалды.