Балалар лагерьге бармайды
Атырау облысы бойынша меншікті тілші
Ел өңірлерінде коронавирус індетін жұқтырғандар көрсеткішінің әлі де өсе түсуі біраз шектеулер қойып отыр. Осыған байланысты балалар лагерьлерінің жұмысы да әзірге тоқтап тұр.
Жылда маусым айынан бастап жұмысын бастайтын балалардың жазғы демалыс лагерьлері қазіргі уақытта оларға есігін аша қойған жоқ.
Мамандардың айтуынша, шілде айына дейін тыйым қойылыпты.
Егер карантин шаралары кеміп, инфекция қаупі азайса, шілде айында лагерьлер ашылуы мүмкін.
Әрине, қауіпсіздік шараларын сақтау – міндет, өйткені адам денсаулығы мен өмірінен артық ештеңе жоқ.
Бірақ каникул басталысымен үйде тыпыршып отыра алмайтын, «жаз жайнатып, күн күлдіріп» лагерьге асығатын балаларға бұл қиындау тиетіні анық.
Әйтсе де, биылғы жағдайға бай- ланысты, тек біздің ел емес, әлем халқына оңай тимей отырған қауіпті індеттен сақтану бәрінен маңызды.
Сондықтан оның таралу көрсеткіші тыйылмайынша, балалар лагерін ашудың мүмкіндігі жоқ дейді жауапты мамандар.
Еске сала кетейік, былтыр Атырау жүк тасымалы бөлімшесіне қарасты теміржолшылардың 150 баласы шілде-тамыз айларында Маңғыстау облысындағы «Балдаурен» лагерінде демалған болатын.