Теміржолшы жастар Жайық жағалауын тазартты
Атырау облысы бойынша меншікті тілші
Өңірдегі теміржолшы жастар жуырда өткен қалалық сенбілікке шығып, Жайық жағалауын қоқыстан тазартуға өз үлестерін қосты.
– Тазалық – бәрімізге ортақ жұмыс. Соның ішінде Жайық жағалауының қоқысқа толып жатуы – ұят.
Ол осы жерге демалуға келген адамдардың мәдениеті ьтөмен екенін білдіреді. Олай болмау керек, қоршаған ортаны таза ұстау әр адамның міндеті болумен қатар, барша атыраулықтарға сын. Сондықтан Атырау жүк тасымалы бөлімшесінен 40 жас маман осы сенбілікке келіп, «Таза қала» акциясына атсалыстық. Бізбен қатар студенттер, еріктілер, басқа компания жастары да болды. 4 шақырым жерден екі Камаз қоқыс шығарылды.
Алдағы акцияларға да қатысамыз. Сондай-ақ, біз, теміржолшы жастар, карантин кезінде де қарап жатпай мұқтаж жандарға тегін тамақ жеткізіп бердік, қарттар үйі мен сәбилер үйіне де қолдан келген көмегімізді аямадық, – дейді жас теміржолшының бірі Ізбасар Өткелбаев.