ҚТЖ бойынша барлық қызметкерлердің 20%-ға жуығы вакцина салдырды
«Қазақстан теміржолшысы» газетінің тілшісі
Бүгінгі таңда «ҚТЖ» ҰК» АҚ бойынша барлық қызметкерлердің жиырма пайызға жуығы, нақты айтсақ 24 400 адам коронавирусқа қарсы вакцина салдырды. Екпе салдыруда белсенділік танытып отырған аймақ теміржолшылары Алматы, Нұр-Сұлтан қа- ласы, Шымкент, Қызылорда өңірлерінде. Ұлттық компанияның HR жөніндегі атқарушы директоры Тамила Микулич жақында отандық QAZVAC екпесінің екінші компонентін алды. – Қазақстандық екпенің екінші компонентін жаңа ғана алып шықтым. Өзімді жақсы сезініп тұрмын. Бірінші компонентін алған кезде де жа- нама әсерін байқамаған едім. Дәрігерлерге көп рахмет. Алдымен қызуымды, қан қысымымды, сатурациямды өлшеді. Денсаулық жағдайымды толық сұрады. Барлық әріптестерімді екпе алуға шақырамын. Себебі біз неғұрлым көбірек вакцина алсақ, соғұрлым індетті де тезірек жеңеміз, яғни ұжымдық иммунитет қалыптастыруға атсалысамыз. Әрі өзіміз бен жақындарымызды қауіпті індеттен қорғайтын боламыз, – деді ол.