1 шілдеден бастап Маңғыстау және Бейнеу вокзалдарында «Ashyq» жобасы іске қосылмақ

1 шілдеден бастап түбектегі Маңғыстау және Бейнеу теміржол вокзалдарында «Ashyq» жобасы іске қосылмақ. Бүгінде жобаны қолданысқа енгізудің қажетті дайындық жұмыстары пысықталуда. Бейнеу теміржол вокзалында бес жерге, Маңғыстау вокзалына он жерге QR-код ілінген. QR-кодты ска- нерлейтін «Ashyq» кіру жүйесі екі вокзалдың барлық кіреберістерінде жұмыс істейтін болады. Жолаушылар кірген кезде QR-кодты «Ashyq» мобильді қосымшасы арқылы немесе Кaspi.kz, Номеbank, Aity қосымшалары арқылы сканерлеу қажет. Ал егер жолаушыда осы аталған қосымшалар да, смартфон да болмаса, кіреберісте арнайы бекітілген вокзал қызметкеріне ЖСН көрсету арқылы мәртебесін анықтауына болады. Шетелдік жолаушылар төлқұжатының нөмірі бойынша сол жерде тіркеледі. − Коронавирустық инфекцияның таралу қаупін азайту мақсатында Маңғыстаудағы екі теміржол вокзалына да 1 шілдеден бастап ашық жобасы енгізіледі. Соған байла- нысты 15 маусымнан Маңғыстау, 16 маусымнан Бейнеу вокзалдарында жүйе сынақ ретінде жұмысын бастады. Жоба іске қосылған сәтте әр вокзалдың кіреберісіне вокзал кезекшілерінен арнайы қызметкер бекітіледі. Қазір оларға керекті планшет мәселесі қарастырылуа. Сондай-ақ, бұл жұмысқа еріктілерді де тартуды ойласты- рып отырмыз, – деген Маңғыстау магистральдық желі бөлімшесі директорының вокзал шаруашылығы бойынша орынбасары Рустам Тухтиев еріктілер немесе әкімшілік тарапынан уақытша адам бөлу жөнінде Маңғыстау вокзалы орналасқан Мұнайлы және Бейнеу вокзалы тұрған Бейнеу ауданы әкімдіктеріне хат жазғандарын жеткізді. Егер бұған әкімдік келіссе, Бейнеу вокзалында үш, Маңғыстауда бес адам осы жұмысқа қолғабыс ететін болады. Олар жолаушылардың статусын анықтауға көмектесіп, өз кезегінде вокзал кешенінде арақашықтық сақтау, жолаушылар нөпірін азайтуға септік етпек.