Шымкент теміржолшыларының 90% жуығы екпе салдырды

Елімізде ғана емес, әлем бойынша пандемия салдары ушығып тұрғандықтан халық арасында екпе алу, ұжымдық иммунитетке қол жеткізу мәселесі әлі де өзекті болып тұр. Бұл орайда Шымкент жүк тасымалы бөлімшесі мен магистральдық желі бөлімшесінің қызметкерлері коронавирус инфекциясына қарсы вакцинаны 86,8% алып үлгерді. Мәселен, ПЧ-53 кәсіпорнынан 326 теміржолшы, ПЧ-54 бойынша 441 адам, ШЧ-37 кәсіпорнынан 159 адам, ШЧ-38 – 210, ЭЧ-24 – 256, МБ Арыс – 22, т.б. жалпы 1667 адам вакцина алған. Бұл – тек НЖС-9 бойынша ғана екпе алғандар. Ал ЖТ-9 бойынша 2811 адам, оның ішінде ТЧЭ-32 Арыс - 908, НОД-9 Шымкент – 1074, ӘТЖК Шымкент – 824, «Теміржолсу-Арыс» ЖШС – 130 т.б. кәсіпорындарды қосқанда жалпы саны 5599 адам екпе алды. Жалпы, аймақтағы теміржолшылар көбіне ресейдің «Спутник V» вакцинасын алған. Вакцинация процедурасы «Shymkent Medical Services» ЖШС-де әлі де жүргізілуде. Сондай-ақ, бөлімшеде аймақ бойынша вакцина алғандар арасында марапатталғандар бар. Бұл қызметкерлер мен жұмысшыларды өз денсаулығы мен айналасына жауапты қарауға, екпе алуға ынталандыра түседі. Шымкент жол дистанциясының басшысы Дәурен Бахиев, Арыс жол дистанциясынан Махмуд Рысбеков, Шымкент белгі беру және байланыс дистанциясынан Болат Қасымбеков, Арыстағы белгі беру және байланыс дистанциясынан Нұрлан Жүнісов, Электрмен жабдықтау дистанциясының бастығы Рауан Сүлейменов пен Арыс материалдық-техникалық жабдықтау базасының басшысы Әзімбек Ақтөреев ұжымда вакцинациялауды жақсы ұйымдастыра білгені үшін Шымкент магистральдық желі бөлімшесінің бастығы Н.Бастаровтың алғыс хатымен марапатталды.

«Қызметкерлеріміз жүз пайыз вакцина алды деп айта алмаймыз. Себебі, вакцина ерікті түрде әрі кейбір персоналдардың медициналық себептері бар. Дегенмен, ұжымдық иммунитетке қол жеткізіп отырмыз», – деді кадр бөлімінің бастығы Балжан Назарова.