«Самұрық-Қазына» АҚ-ның VIII спартакиадасына дайын
«ҚТЖ» ҰК» АҚ-да «Самұрық-Қазына» АҚ компаниялар тобының қызметкерлері арасында дәстүрлі спартакиадаға қатысу үшін іріктеу турнирлері аяқталды.
Биыл жарыс спорттың 11 түрі: футбол, жүзу, волейбол, үстел теннисі, киберспорт, армрестлинг, шахмат, баскетбол, асық ату, арқан тарту және тоғызқұмалақ бойынша өтеді.
«ҚТЖ» ҰК» АҚ Ішкі спартакиадасының қорытындысы бойынша Қордың 15 жылдығына арналған «Самұрық-Қазына» АҚ-ның ауқымды VIII спартакиадасында ұлттық компанияның намысын қорғайтын 75 үздік спортшы-теміржолшы іріктелді.
Іріктеу жарыстары жеңіске деген ынта, спорттық күрес және достық бәсекелестік жағдайында өтті. Қатысушылар өздерінің департаменттері мен филиалдарын лайықты көрсете отырып, жоғары дайындық деңгейі мен спорттық жетістіктерін паш етті.
«Самұрық-Қазына» АҚ Спартакиадасының суперфиналы 18-20 тамызда өтеді. Іс-шараның негізгі идеясы–корпоративтік мәдениетті дамыту және ұжымдар арасындағы байланысты нығайту. Ұйымдастырушылар командалық рух, спорттық бәсекелестік пен өзара іс – қимыл байланыстары кез келген ұйымның табысты жұмысының кепілі екенін атап өтті. Теміржолшылар ең күшті, жылдам және шешуші спорт әуесқойлары кездесетін осы үлкен ауқымды оқиғаның бір бөлігі болғанына қуанышты!