Теміржол инфрақұрылымын дамыту мәселесі айтылды

Жүк тасымалы
20.08.2024, 11:56
Қазақстан теміржолшысы

ҚР Көлік министрлігі Теміржол және су көлігі комитеті төрағасының орынбасары Қасым Тілепов ОКҚ алаңында су көлігінің жағдайы және оның болашағы, теңіз порттарындағы тереңдету жұмыстары туралы айтып берді, деп хабарлайды Rail-news.kz.

Оның айтуынша, 2024 жылдың шілде айында Құрық портының акваториясының түбін тереңдету жұмыстары басталды, жалпы көлемнің үштен бір бөлігі аяқталған. 7 санатқа жататын Құрық портының акваториясында топырақ әзірлеуге қауқарлы «Висалиус» жер снаряды тартылды. 2025 жылы Ақтау портында да осындай жұмыстар жүргізілмек. Онда қытайлық «Ляньюньган порт» компаниясымен бірлесіп контейнерлік хаб салу жобасын іске асыру басталды. Тиісті келісімге қол қойылған.

Құрық портында «Саржа» көпфункционалды терминалының құрылысы бойынша жұмыстар жүргізілуде. Порт инфрақұрылымын дамытуға Abu Dhabi Ports, Rhenus, CMA CGM, Wandernet сынды шетелдік инвесторлар, сондай-ақ бірқатар қытайлық компания қызығушылық танытуда.

«Осыған ұқсас жұмыстар теңіз порттарына іргелес теміржол инфрақұрылымын дамыту бойынша жүргізіліп жатыр. Атап айтқанда, «Бейнеу – Маңғыстау», «Жарық – Сексеуіл» және «Шалқар – Құрық» ТЖ учаскелерінде 404 шақырымдық екінші жол салу жоспарда бар. 5 станция жаңғыртылады, сондай – ақ «Шалқар-Бейнеу» учаскесінде автобұғаттау енгізіледі. Осы іс - шараның барлығы магистральдық теміржол желісін 2030-жылға дейін жаңғырту жөніндегі бекітілген жоспарға енгізілген», – деп атап өтті Қ. Тілепов.

ТХКБ цифрландыру үшін сингапурлық PSA компаниясы «Қазақстан темір жолы» компаниясымен бірлесіп, «Digital Trade Corridor» цифрлық платформасын әзірледі. Қытаймен шекарада транзиттік декларацияларды беру процесін автоматтандыру үшін «Tez Customs» жүйесі енгізілді, нәтижесінде оларды ресімдеу мерзімі 2-3 сағаттан 30 минутқа дейін қысқарды.  

«Қазақстан темір жолы» Солтүстік-Оңтүстік дәлізін цифрландыру мақсатында Абу Даби портымен стратегиялық әріптестік туралы тиісті келісім жасасты. Халықаралық теңіз ұйымының стандарттарына сәйкес өткізу пунктері жұмысының технологиялық процестерін автоматтандыру ынтымақтастық бағыттарының бірі болып табылады. Сондай-ақ кеден органдарымен бірлесіп, теңіз өткізу пункттерінің тәулік бойы жұмыс істеу режиміне көшу бойынша жұмыс жүргізілуде. Порттарда кеме құжаттарын және кемелерге ауыстырылатын жүктерді ресімдеу бойынша «бірыңғай терезе» құрылады. Осы мақсатта біз халықаралық теңіз тасымалын жеңілдету жөніндегі халықаралық теңіз ұйымының конвенциясын ратификациялау бойынша жұмыс жүргізіп жатырмыз», – деді ведомство өкілі.  

Сауда флотын дамыту шеңберінде 7 бірлік кеме, оның ішінде 3 танкер, 2 паром және 2 контейнерлік кеме салу жоспарланған. Бүгінгі таңда қазақстандық сауда флоты 17 кемеден тұрады, оның ішінде 10 танкер, 4 құрғақ жүк және 3 контейнерлік кеме бар. Қазіргі уақытта Ұлттық теңіз тасымалдаушысы – «Қазақтеңізкөлікфлоты» компаниясы жобалау бойынша серіктестермен техникалық мәселелерді пысықтап жатыр.

Отандық теңіз флотының жүзу құрамында 1,5 мыңға жуық теңізші бар, оның 900-і  қазақстандықтар. Бүгінгі таңда теңіз көлігі кадрларының тапшылығы шамамен 200 адамды құрайды.

 

Аймақтар
02.07.2025
«Таза Қазақстан»: Семей теміржолшылары санитарлық тазалықты күшейтуде
Жүк тасымалы
02.07.2025
Бірінші жартыжылдықта ҚТЖ желісінде экспорттық тасымалдың өсуі тіркелді
Әлемде
02.07.2025
Трансауған теміржол магистралі іске аса ма?
Жаңалықтар
02.07.2025
Түркістан станциясында жас жігіт суицид жасамақ болды
Жүк тасымалы / Апта саны
01.07.2025
ҚТЖ желісі бойынша астық тасымалы 53%-ға өсті
ҚТЖ келбеті
01.07.2025
100 маман іріктелді
Инфрақұрылым
01.07.2025
Шымкент жолшылары асарлатып ауқымды жұмыс атқарды
Аймақтар
01.07.2025
Жұмысшыларды тасымалдайтын жаңа автобус пайдалануға берілді
Жаңалықтар
01.07.2025
Абай мұрасы насихатталды
Қауіпсіздік
01.07.2025
Теміржол нысандарындағы өрт қауіпсіздігі
Жаңалықтар / Мұрағат
01.07.2025
Қазақстан теміржолшысы газеті, №50 01 шілде 2025 жыл
Аймақтар
30.06.2025
Күрделі жөндеу жұмыстары нәтижесін беруде
Станция тынысы
30.06.2025
Семей станциясы үздік атанды
Әлеумет
30.06.2025
Айназдың алғашқы жеңісі
Жаңалықтар
30.06.2025
"Қазақстан темір жолы" төрт жылда неге қол жеткізді?
Жаңалықтар
30.06.2025
Нұрлан Сауранбаев Көлік министрі болып тағайындалды
Жолаушылар тасымалы
30.06.2025
ҚТЖ Ақтөбе – Астана бағыты бойынша қосымша пойыз тағайындады
Жаңалықтар
30.06.2025
Түрік компаниясы елімізде логистикалық инфрақұрылымға инвестиция салмақ
Инфрақұрылым
28.06.2025
Елімізде теміржол желісіне ауқымды жаңғырту жүргізуде
Жаңалықтар
27.06.2025
Варшавада ТХКБ дамыту жөніндегі жұмыс тобының отырысы өтті