ЖЕТІСТІККЕ ЖЕТЕЛЕГЕН ЖЫЛ

Инфрақұрылым
29.12.2018, 14:12

Жаһандық инфрақұрылымдық интеграцияға енуді басты бағыт етіп алған «ҚТЖ» ҰК» АҚ үшін маңызды оқиғаларға толы тағы бір жыл қорытындыланғалы отыр. Еліміздің экспорттық және транзиттік әлеуетін жылдан жылға арттыруды басты мақсат етіп отырған ұлттық компания үшін ұзатылғалы отырған жыл оңай өткен жоқ. Экономикалық өсім мен табыс та бар, өндірісте түрлі қиындықтар мен кедергілер де орын алмай қоймады... 

Биылғы жылдың ең басты оқиғасы «ҚТЖ» ҰК» АҚ басшылығының ауысуы дер едік. Ұзақ жылдар бүгінгі премьер-министрдің бірінші орынбасары Асқар Мамин басқарған, соңғы бірнеше жыл Қанат Алпысбаев жетекшілік еткен Ұлттық компания басына кәнігі саясаткер, білікті қаржыгер Сауат Мыңбаевтың келуі қордаланған қарыздарды жауып, кірістерді еселей түседі деуге негіз болады. «Біз қаржылық тұрақтылықты нығайтып, шығындарды оңтайландыра, қозғалыс қауіпсіздігін қамтамасыз ете отырып, өндірістік процестердің тиімділігін арттыру бойынша жүйелі жұмыстарды жалғастырамыз», – деді Сауат Мұхаметбайұлы алдағы міндеттер мен мақсаттар жайлы. Бұдан ең басты салмақ қордаланған қарыздарды жабуға түсетіндігін түсінеміз. Ұлттық тасымалдаушының жұмысын ширатуға кедергі келтіріп отырған осы қарыздың көлемі 1,7 триллион теңгені құрайды. Жақын жылдары осы қарыздарды жабуға әрекет жасалатын болады. Тіпті, бұл үшін Үкіметтің қолдауы да қажет екені даусыз. 

Қалыптасып отырған осындай бірқатар қиындықтарға қарамастан, Компанияның 2018 жылдағы жұмысында оң үрдістер қалыптасқандығын көреміз. Нақты айтқанда, жүк тасымалы өткен жылға қарағанда – 6%, ал транзитті контейнерлік пойыздар саны 1,5 есеге өскен. Яғни, табыс та еселене түсті деген сөз. Бұл ретте операциялық кіріс өткен жылғы көрсеткішпен салыстырғанда 16% жоғары болады деп күтілуде. Осының өзінен жүк тасымалдау, транзит көлемін арттыру бағытында Компанияда жылдан жылға оңды өзгерістер орын алып жатқандығын байқаймыз. 

Биылдың өзінде 850 км жолдың күрделі жөндеуден өткенін қаперге алсақ, қозғалыс қауіпсіздігін бұзушылықтың 25% төмендеуі соның жемісі деп түсінген жөн. Жалпы бұдан былай жыл сайын 1000 шақырымдық жолды жөндеу қолға алынатыны жағымды жаңалық ретінде қабылдануда. Бұл әсіресе жол күтіміне жауапты жолшылар қауымын ерекше қуантып отыр.

Сондай-ақ, жолаушыларға көрсетілер сервистік қызметті жақсарту мақсатында 2018-2019 жылдары өңірлердегі (Қарағанды, Шымкент, Алматы-1 және Алматы-2 вокзалдары) бірқатар вокзалдарда жаңғырту жұмыстарын жүргізу жоспарланған. Ағымдағы жыл соңына дейін «Жолаушылар тасымалы» АҚ иелігіндегі 2188 вагонның ескірген 1200-і жаңасына ауыстырылатыны да жолаушылар тасымалындағы жақсы жаңалық болғалы тұр. Ағымдағы жылдың 10 айында 13 миллион жолаушы тасымалданса, жаңа вагондардың келуімен теміржол көлігіне деген сұраныстың арта түсіп, ол өз кезегінде олардың қатарын тағы еселей түсетіні талас тудырмайды. Және де билеттерді интернет арқылы сатып алудың 66%-ке жетуі де үлкен жетістік. Бұл үрдіс ары қарай да жалғасын таба бермек.

Кадр даярлауға да ерекше маңыз беріліп келеді. Компания қызметкерлері Астана, Павлодар, Тараз, Ақтөбе және Қарағандыда орналасқан оқыту орталықтарында дайындықтан өтіп, 70-ке тарта бағдарлама бойынша өз біліктерін шыңдай түсуде. 2019 жылы әлеуметтік жеңілдіктер бюджеті 9 млрд теңгеге жеткені – әлеуметтік жауапкершілік саясатының дұрыс бағытта өрбіп отырғандығының дәлелі.

Сондай-ақ Компания 2018-2021 жылдарға арналған Бизнесті трансформациялау бағдарламасының Жол картасына сәйкес 12 жобаны іске асыруда. Ал 2018-2022 жылдарға арналған «Цифрлы темір жол» стратегиясы жүзеге асырылуда.

Жалпы, бір сөзбен айтқанда, Компания 2018 жылы жаман жұмыс істемеген деп қорытынды жасауға әбден болады. Әрине, өндіріс болған соң түрлі жағдайлары болмай тұрмайды, жылжымалы құрамның жолдан шығып кетуі, жүк вагондарынан тауарлардың ұрлануы сияқты келеңсіздіктер 2019 жылға бет алған алып локомотивтің қозғалысын тұсай алмасы анық.     

Қызғалдақ Жақыпбекова, Астана 

Жаңалықтар / Мұрағат
21.05.2024
«Қазақстан теміржолшысы» газеті, №43 21 мамыр 2024 жыл
Жаңалықтар
20.05.2024
14 бағыт бойынша билеттерді «Саяхатшы» дисконттық картасы арқылы жеңілдікпен сатып алуға болады
Жаңалықтар
20.05.2024
Биыл 140 жаңа вагон жолаушыларға пайдалануға берілмек - Көлік министрлігі
Аймақтар
20.05.2024
Теміржол саласындағы терминдер мемлекеттік тілде «сөйлей» бастады
Спорт
20.05.2024
Иорданияда үстел теннисінен өткен жарыста маңғыстаулық теміржолшы топ жарды
Жаңалықтар
20.05.2024
Қазақстаннан Қытайға темір жол арқылы жүк экспорты 21 ға өсті%
Аймақтар
20.05.2024
Семей орманында оқу-жаттығу өтті
Жаңалықтар
20.05.2024
Атырау станциясына жаңа басшы тағайындалды
Аймақтар
20.05.2024
Белгі беру-байланыс құрылғыларына күнделікті күтім жасалады
Жүк тасымалы
17.05.2024
Транскаспий дәлізі арқылы теңіз порттарында жүктерді ауыстырып тиеу көлемі артты
Спорт
17.05.2024
Маңғыстау темір жолының 60 жылдығына орай шағын футболдан жарыс өтті
Қауіпсіздік
17.05.2024
Тілсіз жаудан сақтануда тәжірибе маңызды
Жүк тасымалы / Инфографика
17.05.2024
Биыл 4 айда теміржол көлігімен 81 млн тоннадан астам жүк тасымалданды
Қауіпсіздік
17.05.2024
Жолаушылар эвакуацияланды
Жаңалықтар
17.05.2024
Мектеп түлектері ҚТЖ мүмкіндіктерімен танысты
Қауіпсіздік
17.05.2024
Жол картасы: қауіпсіздік деңгейі артуда
Жаңалықтар / Мұрағат
17.05.2024
«Қазақстан теміржолшысы» газеті, №42 17 мамыр 2024 жыл
Жаңалықтар
16.05.2024
Қазақстан мен Латвия Транскаспий дәлізін дамыту туралы меморандумға қол қойды
Жолаушылар тасымалы
16.05.2024
ҚТЖ жазда 4,2 млн-нан астам жолаушыны тасымалдамақ
Жаңалықтар
16.05.2024
Қазақстанның iшкi су жолдарында жүк кемелері жүре бастады