Қоғамдық бақылау қажет

Жаңалықтар
10.08.2022, 11:22
Сұлугүл Бакесова

«Қазақстан темір жолшысы» газетінің тілшісі

Үстіміздегі жылдың жеті айында Компания жұмысының қорытындысы бойынша пойыздардың қозғалыс қауіпсіздігінің жағдайы біршама жақсарған деуге болады. Қозғалыс қауіпсіздігі департаменті мамандарының айтуынша, қабылданған шаралар нәтижесінде жалпы бұзушылық саны 71-ден 63 бірлікке немесе 12% дейін төмендеген.

Бұзушылықтардың төрттен бір бөлігінен асатын үлесін, яғни 27%-ын Компанияның негізгі қызметіне қатысы жоқ сырттағы факторлар құрап отырған көрінеді. Бұл темір жол бойында жол жүру ережесін өрескел бұзу салдарынан бөгде адамдардың пойызға басылып қалуы, теміржол өткелдеріндегі жол-көлік оқиғалары, жолға бөгде заттардың қойылуы, сырттан келген адамдардың жолдың үстіңгі құрылымы материалдарын ұрлау әрекеттері, сондай-ақ, қолайсыз ауа-райы жағдайлары болып отыр. Осы арада, қабылданған қатаң шаралар нәтижесінде биылғы жеті айда адамдардың пойыз астына түсіп қалу оқиғасының өсуіне жол берілген жоқ, яғни көрсеткіш өткен жыл деңгейінде қалды.

– Теміржолда адамдардың қаза болуы мен жарақаттануының негізгі себептері – суицид, жаяу жүргіншілердің абайсыздығы, темір жол бойын «серуен» орнына айналдыратындар, қала берді, құлаққап тағып алып жүретін жастар. Олардың бейқамдығы соншалықты, локомотивтердің алыстан шыңғырған дабылын да естімей, пойызға қағылып, қатты жарақат алып немесе қаза болып жатады. Сонымен қатар жасөспірімдер мен балалардың теміржолды және оның жақын маңын ойын алаңына айналдырып, селфи түсіру үшін немесе қызық көріп вагон үстіне шығып ойнауы да алаңдаушылық тудырады, – дейді «ҚТЖ» ҰК» АҚ Қозғалыс қауіпсіздігі департаментінің бас менеджері Ниязбек Жаңабаев.

Адам өмірінің құндылығын ескере отырып, Ұлттық компания теміржол бойында адамдардың пойыз астына түсіп қалған оқиғасын егжей-тегжейлі тексеріп, мұндай жайттарды қайталанбауы үшін барынша алдын алу шараларын қабылдап келеді. Тіпті, осы мақсатта Компания мемлекеттік қызметтермен және өкілетті органдармен бірлесе отырып, ведомствоаралық «Жол картасы» жобасын әзірлеп, жүзеге асыруда. Және де осы мәселеге қатысты «Самұрық-Қазына» инвестициялық холдинг алаңында теміржол нысандарында өндірістік емес жарақаттанудың алдын алуға арналған брифинг те өтті.

Десек те, үстіміздегі жылы өткен жылға қарағанда, жол-көлік оқиғасы деңгейінің артқаны байқалады. Мәселен, былтыр есепті мерзімде 12 оқиға орын алса, биыл жол-көлік оқиғасының 16 фактісі тіркеліп, соның салдарынан 3 адам қайтыс болды. Бұл жайттардың бәрінде көлік жүргізушілері Жол қозғалысы ережелерін өрескел бұзған.

– Темір жолдағы адамдардың қауіпсіздігі проблемасын – құқық қорғау органдарының, атқарушы биліктің бақылаушы мемлекеттік органдарының, Компанияның құрылымдық бөлімшелерінің бірлескен күш-жігерімен және олардың тиімді өзара іс-қимылымен ғана шешуге болады. Және де міндетті қоғамдық бақылау қажет! – деген ҚТЖ өкілі адамдарды өз өмірін сақтауға және қауіпті аймақта қауіпсіздік ережелерін қатаң сақтауға шақырады.

Аймақтар
06.10.2022
Теміржолда шыңдалған азамат бүгінде ел басқарып отыр
Жаңалықтар
06.10.2022
ҚТЖ-да IPO бағдарламасы туралы айтылды
Жаңалықтар
05.10.2022
ҚТЖ вагондарды беру-жинау кезінде сыбайлас жемқорлық тәуекелдерін жояды
Жолаушылар тасымалы
05.10.2022
Hyundai Кореядағы ең жылдам жүрдек пойызды жасап шықты
Жаңалықтар
05.10.2022
Еліміздің транзиттік әлеуетін нығайтуға бағытталған ірі жобалар іске аса бастады
Әлеумет
05.10.2022
ҚТЖ төрағасы салалық кәсіподақты 30 жылдығымен құттықтады
Жолаушылар тасымалы
05.10.2022
Қазақстанда пойызбен жүретін жолаушылар саны 33 пайызға артты
Әлеумет
05.10.2022
Теміржолшылардың тұрмыстық еңбек жағдайы жақсарып келеді
Спорт
04.10.2022
Астанада өткен марафонда атыраулық теміржолшылар топ жарды
Әлеумет
04.10.2022
Қарттарға құрмет көрсетілді
Әлеумет
04.10.2022
Қызылордалық теміржолшылар қарттар күнін ерекше атап өтті
Аймақтар
04.10.2022
Әлеуметтік қолдауға әрбір жұмысшы лайық – Кәсіподақ
Аймақтар
04.10.2022
Ұйымдастыра білген ұтады
Аймақтар
04.10.2022
Көшбасшыға қабілеттілік қажет
Сұхбат
04.10.2022
Кәсіподаққа деген сенімді ақтау – басты міндет
Әлеумет
04.10.2022
Еңбек жағдайына ерекше көңіл бөлінеді
Аймақтар
04.10.2022
Кәсіподақ жетекшісі: Сенім үдесінен шығу – міндет
Аймақтар
04.10.2022
Машинистер мүддесі жолында еңбек етіп жатқан жан
ҚТЖ келбеті
04.10.2022
Үздік инспектор
Аймақтар
04.10.2022
Сенім – бәрінен биік