ҚТЖ-да ERG және Вaowu Resources компаниялары өкілдерімен кездесу өтті
«ҚТЖ» ҰК» АҚ, «Еуразиялық топ» (ERG) және «Вaowu Resources» компанияларының басшылары бас қосып, Қостанай облысында ыстықтай брикеттелген темір, жоғары сапалы болат өндірісі үшін шикізат өндірісі бойынша жобалар шеңберінде ынтымақтастық перспективаларын талқылады.
Кездесудің басты тақырыбына ыстықтай брикеттелген темір өндірісі жобасының логистикасын ұйымдастыру, Қытайға өнімдердің теміржол арқылы экспорттық бағдарларының нұсқалары және басқа да бірқатар мәселелер арқау болды.
ERG - табиғи ресурстарды өндіру және өңдеу саласындағы жетекші компания, ол Синьцзян-Ұйғыр автономиялық ауданындағы «Вaowu Resources» компаниясына темір жол шикізат өнімдерін (концентрат, жентек) жеткізеді.
«Вaowu Resources» негізінен ыстықтай брикеттелген темір бойынша өздерінің болашақ қажеттіліктерімен қамтамасыз етуге мүдделі. Компанияның болат, арнайы болат, жазық, сұрыпталған және фасонды илемдер қорыту бойынша 20 зауыты бар, ол әлемдік және Қытайдағы ірі болат өндіруші China Baowu Steel Group Corp компаниясының бір бөлігі саналады.
Кездесу қорытындысында тараптар ынтымақтастықты дамыту мәселелері бойынша Жұмыс тобын құруға уағдаласты.