ҚТЖ жол диагностикасының инновациялық технологияларын енгізуде
Темір жолда диагностиканы жоғары дәлдікпен ұйымдастырудың жаңа тәсілдері енгізілуде, деп хабарлайды Rail-news.kz.
"Мобильді диагностика құралдарын (МДҚ) жоғары дәлдікпен орналастыру" жобасы жол диагностикасының дәлдігін жақсартуға және ақауларды жою уақытын қысқартуға мүмкіндік береді. Жоба қозғалыс қауіпсіздігін арттыруға, теміржол инфрақұрылымының тиімділігін жақсартуға және теміржол көлігіндегі көптеген процестерді оңтайландыруға бағытталған.
"Инфрақұрылымды диагностикалаудың технологиялық процесіндегі негізгі проблемалардың бірі — мобильді диагностика құралдарының (МДҚ) жол координатына ауытқуды байланыстыру 20 м-ге дейін, бұл анықталған ақауларды іздеуде қиындықтарға әкеледі. Жоғары дәлдіктегі позициялау жобасы осы мәселені шешуге бағытталған", — деп атап өтті "ҚТЖ" ҰК" АҚ - "Жол диагностикасы орталығы" филиалының бас менеджері Рашид Шарапиев.
Жоба 2022 жылы басталды. Осы уақыт ішінде көптеген сынақтар мен үш пилоттық жоба жүргізілді, олардың нәтижелері бойынша динамикадағы орташа өлшеу 1 м дейінгі дәлдікке қол жеткізілді.
Жобаның негізгі мақсаттары — теміржол инфрақұрылымы объектілерінің жай-күйін диагностикалау кезінде еңбек өнімділігін арттыру, талдамалық ақпараттың дұрыстығын жақсарту және адами факторды болдырмау.
Маманның айтуынша, мобильді диагностика құралында орнатылған бейнекамералар, спутниктік ҒНСЖ-қабылдағыш және мамандандырылған бағдарламалық жасақтама көмегімен магистральдық желі объектілері анықталып, олардың географиялық координаттары жол ординатына байланыстыру арқылы анықталады.
"Жолды цифрлық паспорттау үшін магистральдық желіде және бейнекамералардың көріну аймағында орналасқан инфрақұрылым объектілерін тіркеуге техникалық мүмкіндік бар", - деп атап өтті Рашид Шарапиев.
Сонымен қатар, талдау мен өңдеуден кейін алынған деректер локомотивтік тартуды басқарудың оңтайлы режимдерін орнатуға бағытталған басқа TripOptimizer жобасында қолданылады. Бүгінгі таңда магистральдық желінің 5000 км-ден астам электрлендірілмеген учаскелері үшін деректер жиналды және өңделді.
Болашақта "Мобильді диагностика құралдарын (МДҚ) жоғары дәлдікпен орналастыру" жобасын бүкіл ел бойынша тарату жоспарлануда.