Болашақтың тынысы тасымалда

Жаңалықтар

14.11.2017, 14:03

Елімізді Иран арқылы Парсы шығанағы елдерімен жалғайтын шекаралық Болашақ станциясы арқылы жүк тасымалы жылдан жылға ұлғайып отырғаны қуантады. Айталық, осы жылы 10 айда станцияға 361 пойыз келіп-кеткен. Соның ішінде 15 пойыз қазан айына тиесілі. Барлық көрсеткіштер былтырғы сәйкес кезеңмен салыстырғанда жүк айналымының біршама артқанын байқатып отыр. Станция бастығы Мақсат Нұрбеков ел шетіндегі станцияда қозғалыс толассыз екенін айтады. Былтыр осы аралықта қабылданып-жөнелтілген пойыздар саны 337 пойыз болса, биыл міне, одан 24 пойыз артық. Өткен он ай ішінде қабылданған пойыздар саны – 172, вагондары 7121 болса, тапсырылған пойыздар саны – 189, вагондар 8895 болды, – деген станция басшысы осы вагондармен қандай жүктің түрлері келіп-кеткені туралы да айтып берді. Жөнелтілген жүктердің денін айталық, 2375 вагонды бидай ұны құрады. Одан кейінгі орында сұйылтылған газ көмірсуы бар, ол 518 вагонды, ал 371 вагонды барит концентраты, 352 вагонды арпа өнімі, 232 вагонды тұқым, 259 вагонды ауылшаруашылығы комбайндары, 215 вагонды бұрғылау қондырғылары, 206 вагонды бидай ұнының кебегі, 194 вагонды қоспа жем, 193 вагонды қара металл прокаты, 188 вагонды темір-бетон шпалдары, 152 вагонды хлорлы калий, 114 вагонды бидай құрады. Сонымен қатар, аз мөлшерде арнайы және жеңіл автокөліктер, темір жол көлігінің, трактор, ауылшаруашылығы техникаларының қосалқы бөлшектері, залалсыздандырушы аппараттар, асбест, металл бункерлері, трикотаж өнімдері, темір бетон, азық-түлік және кондитерлік өнімдер, ет, көкөніс, балық консервілері, күнбағыс майы, тағы да басқа жүк түрлері жіберілді, – деп ақпарат берді станция бастығы. Ал арғы жағы Иран, бергі жағы Түрікменстаннан келген 7121 вагонның ішінде ең көп жүк түрі – 808 вагон мұнай коксы болған көрінеді. Сонымен қатар 237 вагон кептірілген жемістер, 207 вагон жиынтық жүктер болса, 144 вагон шыны ыдыстар, қалғандарын кептірілген жүзім, құрылыс материалдары, пластмасса өнімдері, картоп, мандарин, мотор майлары, құрғақ сүт, сусындар, аяқ киім, томат, цитрустық жемістер, шәй, цемент, арахис, арматура сынды басқа да жүк түрлері құраған. Жүктердің ішінде астық пен азық-түлік Қазақстанның өзінен жіберіліп жатса, техника жағы Ресей мен Беларусь елінен жолдануда. Осы жүктерге қызмет көрсету барысында станция теміржолшылары қауіпсіздікті толық қамтамасыз етіп, байланыстың болмауы, вагондар құрастыру жоспарының бұзылуы сынды олқылықтарға жол берген жоқ, – деді станция бастығы.

Болашақтың тынысы тасымалда

Басқа да жаңалықтар

«Қазақстан теміржолшысы» газеті, №61 26 шілде 2024 жыл

«Қазақстан теміржолшысы» газеті, №60 23 шілде 2024 жыл